E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Ekspozita “Ditët e Mios” në Korçë/ 25 piktorë nga e gjithë bota sjellin punimet e tyre

28 Tetor 2024, 14:14, Qyteti im CNA

Piktura të realizuara me profesionalizëm nga 25 piktorë nga e gjithë bota u çelën në në një ekspozitë mjaft të veçantë në Galerinë" Guri Madhi". Një traditë prej disa vitesh kolonia e arteve figurative "Ditët e Mios" mbledh piktorë nga e gjithë bota të cilën frymëzohen nga peizazhet e Korçës, rrethinave të saj, arkitektura e veçantë që ky qytet mbart po ashtu dhe nga jeta sociale. Pikturat kanë pasur tematika të ndryshme të cilat përcjellin mesazhe të forta edhe për vizitorët.

Piktorja nga Ukraina, Naja na tregon se është shumë e kënaqur pasi sipas saj është hera e dytë që ajo bëhet pjesë e këtij simpoziumi. Ajo çka sjell në detaje në pikturën e saj është raca e veçantë e maceve, sfinksat. Naja e specifikon këtë lloj maceje si "mace kozmike" ku sytë e saj tregojnë se të shohin dhe të ndiejnë.

"Ështe hera e dytë në Shqipëri për mua dhe më pëlqen shumë ky simpozium. Emri im është Naja dhe jam nga Ukraina. Unë besoj se një racë e veçantë e maceve janë sfinksat dhe kjo është një mace e veçantë, mace kozmike. Sytë në fytyrën e saj duket sikur thonë: unë të shoh, unë të ndiej dhe unë të dua."

Një piktor tjetër nga Rumania, Kostian Bratiank tregon se është tepër i lumtur që është pjesë e këtij eventi artistik. Sipas tij nuk është hera e parë që ai është i ftuar në Shqipëri pasi më herët ka qenë në Sarandë e Pogradec. Ai nuk harron të përmendë lidhjen me Korçën dhe Voskopojën sa i përket komunitetit arumun duke vlerësuar se u pëlqen të ruhet tradita, kontaktet dhe sigurisht të rikthehen sërish. Ky eveniment artistik sipas Kostian Bratiank ishte i shkëlqyer me pjesëmarrës nga gjithë bota ku në 4 ditë kaloi shumë bukur me peizazhet e qytetit, ndërtesat me një kompozim aq bukur të rrugëve dhe me elemente artkirekturore të cilat frymëzonin për t'i pikturuar.

"Emri im është Kostian Bratiank, vij nga Rumania. Jam shumë i lumtur të jem pjesë e kërij eventi artistik. Para se të isha i ftuar në Korçë kam qenë gjithashtu në Sarandë, Pogradec, pra nuk është hera e parë në Shqipëri. Meqenëse kemi në Voskopojë dhe në Korçë komunitet arumun na pëlqen të ruajmë traditën, kontaktet dhe të vijmë përsëri kur na jepet mundësia. Ishte një event i shkëlqyer, 25 artistë nga gjithë bota Islanda, Kisova Bulkgaria, Maqedonia e Veriut etj. Kaluam këtu 4 ditë, koha ishte shumë e bukur dhe duam të falënderojmë organizatorët. Mendoj se Korça ka peizazhe shumë të bukura, ndërtesa shumë të bukura dhe nuk ishte e vështirë të gjeje një kompozim të rrugës me elemente arkitekturore për t'i pikturuar."

Veton Gusia piktor nga Kosova na tregon se ndihet i nderuar që është pjesë e kësaj kolonie duke përmendur faktin se Korça si gjithmonë jep frymëzim për artistët. Tema është zgjedhur që në ditët e para ndërsa është dashur pak kohë për t'i organizuar. Peizazhet e Mios dhe Nudot janë ato që kanë frymëzuar piktorin kosovar. Mesazhi i pikturës nudo me fytyrën e mbuluar të Mios, e cila tregon një mentalitet ka qenë frymëzim për piktorin ku ai shprehet se ende nuk e kemi lirinë. Mentaliteti nudo shfaqet në pikturën e Gusisë me prapavijë pezazhin e Korçës. Nga ana tjetër ai thekson se këto koloni artistësh janë të rëndësishme sidomos për vendet e izoluara duke krijuar me imagjinatë për artin jashtë dhe tashmë ky aset po shihet duke kaluar edhe barrierat e pasigurisë. Kolonitë sipas Veton Gusia-s janë gjithmonë të mira pasi njihen artistët, bëhen kontaktet me kulturat, por edhe një suport për turizmin.

"Jam shumë i nderuar që të marr pjesë në këtë koloni dhe si gjithmonë Korça u ka dhënë frymëzim shumë artistëve. E kam zgjedhur temën nga dita e parë vetëm më është dashur ta organizoj pak në mendje, kanë qenë peizazhet e Mios, me nudot e Mios që është ajo nudoja që mbulon fytyrën që prezanton edhe mentalitetin tonë, të modeleve që nuk e kemi ende atë lirinë për t'u parë nudo megjithë shprehje pra unë e kam marrë atë mentalitet nudo me prapavijë peizazhin e Korçës. Kolonitë janë gjithmonë të mirëpritura sidomos për vendet tona që kanë qenë shumë gjatë të izoluara dhe kemi krijuar imagjinatë për artin jashtë, por tani po shihemi, po tejkalojmë barrierat e ndjenjës së pasigurisë. Kolonitë janë gjithmonë të mira edhe për njohjet e artistëve mes tyre edhe ndikimin kulturor, por edhe për turizmin pasi ndihmojnë njohjen e qytetit."

Drejtorja e Artit e Kulturës Korçë, Zamira Kita, tregon se nga viti në vit kolonia e pikturës "Ditët e Mios" ka pasur një rritje si të numrit të piktorëve pasi ka pasur pjesëmarrje nga e gjithë bota. Pjesëmarrja ka qenë në hartë më e gjerë ku nga ana tjetër cilësia ka qënë sipas specilaistëve dhe publikut e jashtëzakonshme.

"Sapo kemi përfunduar koloninë e pikturës Ditët e Mios. Ka shumë vite që zhvillohet në Korçë dhe duhet thënë që niveli është ngritur lart sepse piktorë nga e gjithë bota kanë qenë pjesë e kolonisë sonë. Është zgjeruar harta e pjesëmarrjes së piktorëve, e kemi filluar me Kosovën, Maqedoninë e Veriut, Malin e Zi, Ballkanin por tani jemi shtrirë më gjerë me Evropën sepse kishim përfaqësues edhe nga Greqia, Polonia, Islanda, Mina, Koreja e jugut, Turqia etj. Ka qenë një koloni vërtet e suksesshme dhe jo vetëm pjesëmarrja, por edhe cilësia është e jashtëzakonshme. Vetë specialistët e pikturës shprehen më së miri për këtë dhe publiku është kënaqur dhe të gjithë po e shijojmë. Kjo ekspozitë do të qëndrojë e hapur për 10 ditë. Gjithmonë pikturat që prodhohen në koloninë Ditët e Mios i dhurohen qytetit të Korçës."

Ekspozita me 25 piktura të realizuar nga piktorët do të qëndrojë e hapur për 10 ditë në Galerinë "Guri Madhi". Të gjithë të artdashësit korçarë, vizitorët dhe të apasionuarit pas pikturës dhe artit do të kënë mundësi ta vizitojnë në ditët në vijim. Pikturat e realizuara në këtë koloni do t'i dhurohen fondit të galerisë duke dhënë vlera të padiskutueshme artistike qytetit të Korçës./ CNA