web counter
LEXO PA REKLAMA!

SHKARKO APP

App Store
Google Play

Arben Golemi sjell Beratin në Pogradec

19 Tetor 2024, 18:47, Qyteti im CNA

Arben Golemi, artisti beratas i cili ruan vendlindjen e tij në një arsenal prej mijëra vizatimesh dhe qindra pikturash, nëpërmjet ekspoztiës "Imazhe të gërvishtura" sjell fasadat e Beratit në në Pogradecin e liqenit. Golemi thotë se rikthehet pas 14 vitesh në Pogradec, duke sjellë një ekzpozitë ndryshe, sa kolorite aq edhe të thellë.

“Nuk është hera e parë që vij në Pogradec. Para 14 viteve kam pasur një ekspozitë në Pogradec.

Më pëlqen Pogradeci për bukurinë e tij natyrore për liqenin, por për faktin që unë kam miqtë e mi piktor në Porgadec, si Vangjo Vasilin.

Kam gjithmonë një motiv për të ardhur në Pogradec dhe për të treguar pikturat e mia.

Përgjithësisht unë i kam punët e formateve të mëdha pasi unë vij nga Berati dhe jam edukuar me frymën e qyteteve të vogla.

Çdo piktor ndihet mirë kur ekspozon pikturat në një qytet të bukur. Unë vij këtu për të treguar Beratin”, tha Arben Golemi.

Për piktorin pogradecar Vangjo Vasili, Arbeni është artist i një tjetër kalibri, i cili si një arkitekt i zoti, sjellë në pikturë forma, ngjyra dhe drita që pakkush arrin t’i realizojë si ai.

“Veprat e tij janë me shumë peshë. Ai ka ndjeshmërinë e lartë të një piktori shumë sensibël.

Profesioni i tij si arkitekt është një plus shumë i madh. Është një armë shumë e fortë që ai ka për të dhënë imazhe shpirtërore për të tjerët”, tha Vangjo Vasili.

Ekspozita "Imazhe të gërvishtura" përbëhet nga 18 punime të përmasave të mëdha, për disa ditë ajo do të qëndrojë e hapur për publikun artdashës pogradecar./ CNA





Lajmet e fundit nga