Trimërohet Luli: Niseni nga unë vettingun/ Po vilat luksoze?

21 Korrik 2023, 13:39, Politikë CNA

Kandidati për kreun e Partisë Demokratike, Lulzim Basha, i është kundërpërgjigjur Sali Berishës, pas akuzave të këtij të fundit se është njeri i Ramës.

Por Luli nuk ka ngurruar në këto ditë të nxehta vere, madje është trimëruar mesditën e së premtes. Ai shprehet se duhet t'i japim fund baltosjes dhe se duhet të votohet vetingu për politikanët, për të treguar se kush është më i korruptuar. Madje Luli guximtar kërkon që vettingu të nisë nga ai.

A thua është gati të përgjigjet për vilat luksoze?

"Koha është ilaçi më i mirë. Dhe koha e rrëzoi malin e gënjeshtrave që ngriti para shqiptarëve ai që kërkon me çdo kusht e mjet të mbajë peng PD për interesat e veta personale. Që ti japim fund baltosjes, që të tregojmë kush është i korruptuar e kush jo, kush është peng e kush jo, kush është i lidhur me krimin e kush jo, le të votojmë vetingun për politikanët. Të nisë transparenca nga unë e më pas të gjithë këta që sot e 32 vite mbajnë peng Shqipërinë", shprehet Basha në një postim në "Twitter".

Ndërkohë, Berisha u shpreh në konferencën e përjavshme: "Basha është në një mision si peng i vërtetë, si një njeri që Rama kur të dojë i pret fletën e arrestit".

"Unë shpresoj se me grupin tjetër, ne do gjejmë mirëkuptim të plotë. Sepse ata, siç e kam theksuar, kanë mbajtur qëndrim të drejtë dhe parimor ndaj primareve. Ky qëndrim është qëndrim ndaj një parimi themelor të PD-së. Kurse me pengun e Edi Ramës, vetëm kur të pranojë Edi Ramën në koalicion, apo në bashkëpunim, mund të pranojë pengun e tij. Lul Basha është në një mision si peng i vërtetë, si një njeri që Edi Rama kur të dojë i pret fletën e arrestit me afat burgimi minimumi 6-vjeçar.
Nuk mund të ketë. Ai e ka zhveshur veten për shkak të frikës që ka nga burgu dhe është shndërruar në një vegël të verbër të Edi Ramës", tha Berisha.