LEXO PA REKLAMA!

SHKARKO APP

Trafiku e ktheu Tiranën në “xhungël”/ Denoncon Këlliçi: Parkimi në kolaps total, 200 efektivë humbën ditën e punës

16 Janar 2023, 17:21, Politikë CNA

Trafiku e ktheu Tiranën në “xhungël”/ Denoncon

Deputeti i Partisë Demokratike, Belind Këlliçi ka vënë në dukje një nga problematikat kryesore të kryeqytetit, atë të trafikut të rënduar ku është shprehur se vetëm sot 200 punonjës policie kanë humbur ditën e tyre të punës si pasojë të tij.

Nëpërmjet një postimi në rrjete sociale ai thotë se Tirana është kthyer në një xhungël për shkak të trafikut.  Qytetarët dhe punonjësit e administratës sipas tij, nuk gjejnë dot vende parkimi në institucione publike dhe as në zonat përreth pasi hapësirat e mbetura bosh zaptohen çdo ditë nga ndërtimet.

200 punonjës të Drejtorisë së Përgjithshme të Policisë humbasin ditën e punës.

Ekipet tona në terren na njoftojnë se po zerohen mundësitë për të parkuar në institucione publike dhe zonat përreth. Nga administrata e Drejtorisë së Përgjithshme të Policisë së Shtetit, vetëm sot në fillim javë, kanë humbur ditën e punës 200 punonjës.

Parkimi në Tiranë është në kolaps total. Hapësirat e mbetura zaptohen çdo ditë nga ndërtimet dhe shtesat e kafeneve. Niveli i stresit nga trafiku dhe pamundësia për të gjetur një vend parkimi ka gjeneruar kacafytje në rrugë, sherre dhe konflikte banale, që në jo pak raste përfundojnë në përdorimin e armëve.

Tirana është një xhungël që s'merr vesh të pari të dytin. Ndërhyrja duhet të jetë urgjente. Nuk ka më kohë për të humbur. 1 milion banorë nuk mund të presin pafundësisht. #TiranaNukPretMë”, shkruan ai./ CNA.al

Trafiku e ktheu Tiranën në “xhungël”/ Denoncon

Lajmet e fundit nga