web counter
LEXO PA REKLAMA!

SHKARKO APP

App Store
Google Play

E fundit!

x

Si dhe kush e mbështeti në PD kandidatin e inceneratorëve?

5 Dhjetor 2022, 16:21, Politikë CNA
Si dhe kush e mbështeti në PD kandidatin e inceneratorëve?
Foto ilustruese

Dje u krye procesi i votimit për Primaret në Bashkinë e Tiranës, ku ashtu siç pritej edhe publikisht nga perceptimi, dhe nga fushata e zhvilluar, tre ishin kandidatët kryesorë: Belind Këlliçi, Ilir Alimehmeti dhe Gert Bogdani.

Ky i treti, kandidati i inceneratorëve, njeriu që me Mirel Mërtirin ka udhëtuar në Zimbabve, për interesa të kompanive të këtij të fundit, ende nuk ka dhënë një sqarim të plotë në lidhje me këtë çështje për pagesat e marra dhe të tjera si këto.

Si dhe kush e mbështeti në PD kandidatin e inceneratorëve?
Gert Bogdani dhe Mirel Mërtiri

I quajtur si njeriu i Sorosit, njeriu që ndodhet në foto në krah të djathtë të Lulizm Bashës në takimin me miliarderin George Soros, të cilin Berisha e akuzon se është njeriu që ka gisht në shpalljen e tij “non grata”.

Njeriu i inceneratorëve, Lulzim Bashës dhe Sorosit, lihet nga PD-ja në garë dhe del i treti me një numër të konsiderueshëm votash pavarësisht se votat e tij janë shumë të pakta, nuk krahasohen me rivalin tjetër, kryesuesin Belind Këlliçi.

Si dhe kush e mbështeti në PD kandidatin e inceneratorëve?
Lulzim Basha, Geroge Soros, Gerti Bogdani

Në fakt është e turpshme ajo që ka ndodhur me Gert Bogdanin. Ai nuk mund të ishte kandidat zyrtar i PD-së pasi kauza e inceneratorëve bie. Në fakt Berisha këtë gjë duhet ta kishte bërë edhe për të mos lejuar një kandidat të Sorosit për të qenë garues në Primaret e PD së tij.

PD mund të hapet, por nuk mund të shqyhet dhe çapkatet. Kjo sepse Gert Bogdani më pas duke përdorur mekanizma manipulues dhe duke shfrytëzuar Albana Vokshin, Gent Strazimirin e të tjerë, merr një rezultat dhe tregon se në PD ka ende njerëz të cilët besojnë se Gert Bogdani është njeri i ndershëm dhe me një karrierë të pastër politike. Dhe këtu bie së pari akuza e Sali Berishës që ka thënë për George Soros, se është njeriu që po shkatërron PD-në në Shqipëri dhe e ka shpallur “non grata” sepse përfaqësuesi i tij është atje dhe quhet Gert Bogdani.

Si dhe kush e mbështeti në PD kandidatin e inceneratorëve?
Gerti Bogdani

Partisë Demokratike i bie kauza e inceneratorëve sepse Gert Bogdani është njeriu i Mirel Mërtirit dhe Mirel Mërtiri është së bashku me grupin e njerëzve të akuzuar për inceneratorët e Tiranës, janë ata që SPAK-u i ka shpallur në kërkim për aferën e inceneratorëve.

Inceneratroi i Tiranës kalon nga kryebashkiaku Erion Veliaj. Pra skemat që përfaqësuesi i Veliajt, Mirelit, Sorosit dhe Lulzim Bashës, janë prezentë në Partinë Demokratike dhe marrin pjesë në Primare kjo duket qartazi, problem kalon te mekanzimat që janë përdorur për të shtuar votat dhe për të mbushur kutitë, për të çuar njerëz që të votojnë Gert Bogdanin dhe këtë e kanë bërë jo pak eksponentë në Partinë Demokratike, të cilët kanë detyruar njerëz të strukturave apo kanë futur simpatiznatë si në rastet e degës 9 e të tjera që të votonin për Gert Bogdanin.

Vota për Gert Bogdanin ishte një votë për inceneratorët, për aferën korruptive të shekullit, një votë për Lulzim Bashën, njeriu që ka shkatërruar dhe ka sakatuar Partinë Demokratike, ishte një votë për Erion Veliajn kryetarin e Bashkisë së Tiranës në detyrë, ishte një votë për manjatin George Soros që Berisha e quan spekulant.

Si dhe kush e mbështeti në PD kandidatin e inceneratorëve?

Tani të gjitha çfarë ka thënë Berisha për Sorosin, për Lulzim Bashën, për lali Erin, për inceneratorët e të tjera si këto bien poshtë nga kandidati Gert Bogdani, i cili doli mjaft i votuar në këtë garë edhe pse nuk duhet të ishte lënë fare të garonte. Politika sjell dhe të tilla rezultate, por përtej moralit të munguar sepse atë se ka, ndoshta duhet të kishte pak më shumë dinjitet për të krijuar besim te qytetarët sepse me të tilla akte dhe veprime politike, Partia Demokratike, thjesht dhe vetëm humbet më shumë, thjesht dhe vetëm largohet nga elektorati dhe zgjat pushtetin e kryeministrit Rama dhe kryebashkiakut Erion Veliaj./ CNA.al

 





Lajmet e fundit nga