web counter
LEXO PA REKLAMA!

SHKARKO APP

App Store
Google Play

E fundit!

x

Gazetarët ‘kapin mat’ kandidatin e inceneratorëve/ E pyesin për foton me Mirel Mërtirin

3 Nëntor 2022, 22:58, Aktualitet CNA
Gazetarët ‘kapin mat’ kandidatin e inceneratorëve/ E
Fotoja në Zimbabve, të rrethuar Mirel Mërtiri dhe Gerti Bogdani

Gert Bogdani, është njeriu i dalë në foto me Mirel Mërtirin, fotoja e vetme publike që tregon fytyrën e Mirelit në Zimbabve, e deklaruar nga mediat e Zimbabve, ku më pas ka pasur skandale dhe pretendime korrupsioni, aferash dhe ministra të arrestuar.

Pikërisht për këtë foto e kanë pyetur mbrëmjen e sotme kandidatin për primaret e Tiranës, Gert Bogdanin.

Ai pranoi se është takuar në Zimbabve me Mërtirin, por pretendon se ka qenë atje si pjesë e punës së parlamentit.

“Kjo është pjesë e punës që kam bërë pas parlamentit, pjesë e vizitave për shkëmbime ekonomike në biznese të vendeve të ndryshme, jo vetëm në atë vend, por dhe në vende të tjera”, u shpreh kandidati.

Bogdani u pyet për aferat korruptive që janë ekspozuar nga mediat në Zimbabve, por pretendoi se nuk ka përfituar asgjë nga ata.

Pjesë nga intervista:

Gerti Bogdani: Është një megaaferë që për mendimin tim, personat përgjegjës nga i pari tek i fundit, nga ata që kanë firmosur, tek ata që kanë korruptuar duhet të shkojnë para drejtësisë. Mund të jetë një zgjidhje për menaxhimin e mbetjeve çështja e riciklimit dhe edukimi i qytetarëve duke filluar riciklimin.

Mentor Kikia: Nëse një fushatë të mundshme ju do të jeni përballë kundërshtarit dhe ju do të keni kauzën e inceneratorëve dhe do ju thotë që “ju keni qenë në një vend dhe jeni fotografuar me njërin nga autorët, abuzuesit etj etj të inceneratorëve”, a do të keni një përgjigje?

Gerti Bogdani: Absolutisht që po. Është një foto si çdo foto apo takim që unë kam me biznesmenë të ndryshëm, me drejtues institucionesh të ndryshëm. Kjo foto është bërë në 2019-ën kur kjo nuk ishte një megaaferë, në Zimbabve.

Blendi Fevziu: Po çfarë donit ju në Zimbabve me njërin nga pronarët e inceneratorëve? 

Gerti Bogdani: Kjo është pjesë e punës që unë kam bërë pas parlamentit, pjesë e vizitave për shkëmbime ekonomike me biznese të vendeve të ndryshme. Në mënyrë absolute dhe e ke të provuar tek dokumentat e komisonit hetimor, Gerti Bogdani nuk ka asnjë lidhje ekonomike, interesi ekonomik, asnjë cent./ B.A. – CNA.al





Lajmet e fundit nga