web counter
LEXO PA REKLAMA!

SHKARKO APP

App Store
Google Play

Rama, kritika SPAK-ut: I shkojnë shtatë të hetojë "non gratën" nga SHBA-ja

3 Nëntor 2022, 22:51, Aktualitet CNA
Rama, kritika SPAK-ut: I shkojnë shtatë të hetojë "non
Kryeministri Edi Rama

Kryeministri Edi Rama, ka folur për kritikat ndaj SPAK-ut. Rama ka deklaruar se nuk e ka goditur SPAK-un, por ka kritikuar punën e tyre.

Kryeministri është shprehur në emisionin "Real Story", se SPAK-ut i shkojnë shtatë të nisë një hetim të thellë ndaj figurave më të korruptuara dhe një fuqi që SHBA-ja e ka shpallur ‘non grata’ për korrupsion, duke iu referuar Sali Berishës.

“Kjo s'është punë e të huajve dhe as klase politike të përgjithshme, ky është vullnet imi dhe i Partisë Socialiste, ne e kemi vendosur në program. Reforma nuk bëhej pa partnerët, por partnerët s'kishte shans ta bënin pa ne, sepse s'e bënim ne. Ka pasur 1 mijë tentativa për ta holluar e për t'i hedhur ujë asaj vere, që ç't'ju them. Por ka qenë vullneti ynë. Ndryshimi mes meje dhe atyre që reformës i japin votën kundër është se nuk është reforma kundër, por procesi. Te performanca e tyre njerëzit kanë vërejtje. Kjo gjë do të kërkojë vitet e veta. Nëse njerëzit kanë menduar që do bëhej reforma dhe do ndryshonte gjithçka, ka parë një ëndërr. Ju po ngatërroni qeverisjen me shtetbërjen, ky është shtet nga e para kur vjen puna te drejtësia. SPAK nuk e kam goditur, e kam kritikuar, 1-2 herë, nuk i kam rënë shpesh, por i 'shkojnë shtatë' nga një hetim i thellë dhe i drejtë i figurave më të korruptuar dhe një fuqi që SHBA e ka shpallur ‘non grata’ për korrupsion”, ka thënë Rama./ CNA.al





Lajmet e fundit nga