web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për emigrantët shqiptarë/ Rama u kthehet sërish britanikëve: Merrni shembull Gjermaninë

3 Nëntor 2022, 14:54, Aktualitet CNA

Akuzat për emigrantët shqiptarë/ Rama u kthehet sërish

Pas deklaratës së Sekretares së Brendshme, dhe deklaratës së fundit të bërë nga ish-ministri britanik Brendan Clarke-Smith, ka reaguar sërish kryeministri Edi Rama. 

Gjatë fjalës së tij në Samitin e Berlinit, Rama u shpreh se nuk mund të etiketohen emigrantët shqiptarë si problematikë, për të mbuluar politikën e dështuar të Britanisë.

Madje duke bërë një krahasim Rama tha se Britania mund të marrë shembull Gjermaninë për mënyrën si menaxhoi dyndjen e refugjatëve nga Shqipëria para disa vitesh.

 

"Disa vjet më pari pati një problem të ngjashëm me valën e madhe të krizës së refugjatëve, nga rajoni dhe Shqipëria. Por nuk dëgjova asnjë politikan gjerman të flasë për pushtim. Nuk dëgjova kurrë asnjë politikan gjerman, e jo më një ministër apo ministër të brendshëm, të flasë e të thotë që shqiptarët janë kriminalë e sjellin kriminelë, por pashë një qeveri që donte të trajtonte këtë çështje me dinjitet dhe duke respektuar shqiptarët.

Duke forcuar sistemin e aplikimeve, e duke u dhënë fund praktikisht asaj trazie të atij momenti në mënyrën më dinjitoze e më të respektuar. Ndaj në vend që të ndizej një narrativë e çmenduar pushtuesit e gangsterësh, për të maskuar politikat e dështuara të emigracionit. Të vijnë në Gjermani e të mësojnë shpejt si t’i ndreqin problemet e veta. Ne nuk jemi këtu që të ndreqim problemet që ka Britania. Më duhet të kujtoj këtu se qytetarët tanë që kanë mbërritur në Francë, janë plotësisht të ligjshëm. Nëse ka një problem në kanalin mes Francës dhe Anglisë, ta zgjidhin. Ne jemi shumë të lumtur të bashkëpunojmë, të bëjmë gjithçka që duhet të bëjmë nga ana jonë, por nuk do ta pranojmë kurrsesi këtë lloj retorike. Shqiptarët në Britani janë një komunitet i shkëlqyer të integruar, nuk janë milionë, por janë 140 mijë dhe për 140 mijë persona të një komuniteti tjetër, Gjermania as nuk do t’i kishte llogaritur si një numër i lartë. 70% e tyre kanë ardhur nga Greqia, Itali jo nga Shqipëria. E kur vjen fjala për burgjet Britanike, shifrat janë më pak se 1%. Të flasësh për gangsterë nuk tingëllon aspak britanike, por tingëllon si një çmendinë."- u shpreh Rama./CNA.al





Lajmet e fundit nga