web counter
LEXO PA REKLAMA!

SHKARKO APP

App Store
Google Play

E fundit!

x

Si e ndihmoi mafiozin shqiptar Elvin Demçe?/ Drejtori i spitalit italian, nën hetim për evazion fiskal

3 Nëntor 2022, 12:53, Aktualitet CNA

Si e ndihmoi mafiozin shqiptar Elvin Demçe?/ Drejtori i spitalit italian,

Elvis Demçe është një nga figurat më të njohura të botës së krimit në Itali. Për të janë kërkuar 187 vite burgim, ndërkohë ai ishte mik i Diabolkik (personazh mjaft i njohur edhe ky në trafikun e drogës), i cili importonte kokainë nga Amerika e Jugut dhe hashash nga Maroku.

Përpos pazareve me mafian, Demmce kishte arritur të korruptonte edhe një mjek psikiatër në spitalin San Giovanni, Andrea Pacileo, i cili pas kompensimit të paguar për çdo vizitë, kishte falsifikuar dokumentet, duke e paraqitur Elvis Demçen si një person, i cili nuk ishte i përshtatshëm për regjimin e burgut.

Sipas "Corriere Dela Sera", Mjeku Andrea Pacileo akuzohet për korrupsion dhe falsifikim. Ai do t'i kishte ofruar një ekspertizë të rreme shefit Elvis Demçe, duke e vënë në dispozicion studion e tij për ta bërë atë të takohej me bashkëpunëtorët e tij.

“Gjëja e rëndësishme është psikiatria, është koka. Sepse me kokën qëndron gjithmonë jashtë, nëse të thotë mirë, për çfarëdo që të ndodhë…”. Kjo është këshilla që një mik i besuar i ka dhënë Elvis Demçes për të mos u rikthyer në burg dhe që shefi shqiptar duket se e ka ndjekur me shkrim, duke përdorur një raport të rremë psikiatrik të firmosur nga mjeku i spitalit San Giovanni, Andrea Pacileo.

Zyra e profesionistit, e hetuar për dokumente false dhe korrupsion, u kontrollua nga karabinierët. Prokurorët Francesco Cascini dhe Mario Palazzi zbuluan rrethanat gjatë gjykimit kundër shoqatës së dyshuar mafioze të kryesuar nga 36-vjeçari Demçe. Mjeku kishte nënshkruar dokumente false për të mundësuar lirimin nga burgu të Demçes dhe dërgimin e tij në "arrest shtëpie"./CNA.al





Lajmet e fundit nga