web counter
LEXO PA REKLAMA!

SHKARKO APP

App Store
Google Play

Kufoma e zhvarrosur në Librazhd/ Flet nëna e “Renit të Elbasanit”: Jam e bindur që është djali im

3 Nëntor 2022, 17:45, Aktualitet CNA
Kufoma e zhvarrosur në Librazhd/ Flet nëna e “Renit të
Silvana Hamzai, nëna e “Reni i Elbasanit”

Kufoma e zhvarrosur në Librazhd, dyshohet se është e këngëtarit të tallavasë Renato Hamza, i njohur si “Reni i Elbasanit”.

Silvana Hamzai, nëna e “Reni i Elbasanit” u shpreh me bindje se ai mund të jetë trupi i djalit të saj të zhdukur që nga qeshori i vitit 2014.

Hamzai tha për mediat se ka shpresa se ADN-ja dhe ekspertiza do të provojnë këtë, ndërsa hodhi akuza ndaj prokurorisë dhe policisë.

“Pasi u kap në Kolumbi ky Deniz Xhija, edhe unë kam ngulmuar shumë për kufomën e djalit. Nuk kam lënë vend pa e kërkuar. Megjithë këmbënguljen time që të bëhet ADN-ja e të gjenim një të vërtetë për trupin e djalit, ekspertiza bashkë me policinë nuk më kanë treguar. Pasi e varrosën në Librazhd, nuk kisha ku ta kërkoja më. Prokurori dhe policia jonë nuk bën asnjë punë. E ndjeja se vetëm për atë kufomë qaja gjithmonë, nuk kam një varr ku ta qaj.

Jam mëse e bindur se ai është Renato se nuk ngulja këmbë kot për atë kufomë. Kufomën e varrosën në Librazhd pa emër. Policia nuk më dha asnjë shenjë për të më treguar rrobat, orën apo byzylykun. Kur hapën njëherë një dosje, shkruante copa xhinsi, një dhëmb porcelani. Këta më gënjyen, djali im kishte një dhëmb të hequr. Ma kanë fshehur krimin e djalit nga fillimi deri në fund për shkak të pagesave që janë bërë. Shefi i Krimeve dhe prokurori më kanë bërë presion. Dyshoj se e kanë vrarë 2 djemtë Denizi me Indritin, por edhe ish e dashura është bashkëpunëtore”, deklaroi nëna e këngëtarit./ B.A. – CNA.al





Lajmet e fundit nga