web counter
LEXO PA REKLAMA!

SHKARKO APP

App Store
Google Play

E fundit!

x

Dështimi i negociatave/ Justifikohet deputeti i përçarësve

3 Nëntor 2022, 21:10, Aktualitet CNA
Dështimi i negociatave/ Justifikohet deputeti i përçarësve
Deputeti Gazment Bardhi

Deputeti i grupit të përçarësve, Gazment Bardhi, ka treguar pse dështuan negociatat me PD zyrtare.

I ftuar në emisionin "Radari Informativ", Bardhi u justifikua duke thënë se,  pala tjetër nuk ishte e hapur për të zgjidhur ngërçet.

“Pjesa e Grupit Parlamentar që unë përfaqësoj shtriu dorën e bashkëpunimit për të mirën e demokratëve, por pala tjetër nuk ishte e hapur për të gjetur një zgjidhje ngërçeve sa i përket zgjedhjeve lokale”, tha Bardhi.

Gjithashtu u shpreh se Edi Paloka kërkoi që të njihej statuti i Kuvendit të 11 dhjetorit.

“Kush i drejton primaret? I kam dorëzuar me shkrim propozimet e mia. Pika tre i pranon primaret, votën dhe njeh një proces të ndjekur në mënyrë konsensuale. Ata thonë të njohësh procesin tim, që e drejtoj unë, me rregulla që i caktoj unë…Nuk kisha hyrë në bisedime për të bërë pazare. Primaret janë pranuar, ajo që kemi shtuar ka të bëjë me balancimin e opinionit të anëtarëve të partisë dhe vrojtimit të opinionit publik. Argumenti ishte qesharak, nuk kemi para për të bërë sondazhe…Nuk ramë dakord edhe për këshillin drejtues. Na thanë që do të kishim të drejtë të merrnim pjesë të marrim në primare. Për këtë nuk kishim nevojë për leje. Duhej të kishim përfaqësues në komisionet që ngriheshin. Të na akomodonin brenda statutit të tyre. Praktikisht kërkonin të njihnim statutin e tyre.”

I pyetur nëse ka ende ndonjë mundësi që PD të shkojë e bashkuar në këto zgjedhje, Gazment Bardhi tha se do të jenë të hapur për bisedime.

Por, edhe nëse gjërat nuk ecin si duhet, “PD mund të sigurojë kandidatë jo vetëm për 61 por edhe 610 bashki nëse do të jetë e nevojshme,” vijoi më tej ai./ CNA.al

 





Lajmet e fundit nga