LEXO PA REKLAMA!

SHKARKO APP

Vuçiç ndryshon mendje/ Konfirmon pjesëmarrjen në Samitin BE-Ballkani Perëndimor

5 Dhjetor 2022, 16:11, Politikë CNA
Vuçiç ndryshon mendje/ Konfirmon pjesëmarrjen në Samitin
Presidenti i Serbisë, Aleksandër Vuçiç

Presidenti i Serbisë, Aleksandër Vuçiç, ka ndërruar mendje për pjesëmarrjen në samitin BE - Ballkani Perëndimor, që mbahet nesër në Tiranë.

Sot ai ka konfirmuar se do të marrë pjesë në Samit gjatë një vizite në Nikinçi, ku po mbahen stërvitje ushtarake.

Vuçiç tha më 5 dhjetor se nuk ishte i sigurt nëse do të kishte ndonjë përfitim nga pjesëmarrja në samit.

“Sigurisht se do të ishte dëm i madh për vendin, në kuptimin e tërheqjes së investimeve dhe për gjithçka tjetër. Prandaj, pa marrë parasysh që temë është Ballkani Perëndimor dhe se 20 sosh do të nisin të flasin në mënyrë joadekuate për sanksionet ndaj Rusisë dhe për problemin e Kosovës, mbase bashkëpunëtorët e mi kanë të drejtë kur thonë se është më mirë që ata të dëgjojnë të paktën një përgjigje sesa të mos dëgjojnë asgjë”, deklaroi presidenti i Serbisë./ B.A. – CNA.al

Lajmet e fundit nga