web counter
LEXO PA REKLAMA!

SHKARKO APP

App Store
Google Play

Tirana, "zonë e kuqe"/ PD nuk tërhiqet nga protesta

5 Dhjetor 2022, 10:34, Politikë CNA

Tirana, "zonë e kuqe"/ PD nuk tërhiqet nga protesta

Kryetari i Këshillit Kombëtar të partisë Demokratike, Edi Paloka, ka deklaruar se protesta e nesërme do të jetë paqësore dhe se nuk do të cenohet siguria e liderëve europianë.

Pavarësisht se Tirana ditën e nesërme do të jetë një "zonë e kuqe" për të gjithë, për shkak të perimetrit të sigurisë të përcaktuar nga policia, Paloka pohon se Partia Demokratike nuk ka hequr dorë nga protesta.

I pyetur për masat që Partia Demokratike është shprehur se qëllimi i kësaj proteste është t'i tregojmë Europës se kryeministri që do kenë në tavolinë nuk i përfaqëson shqiptarët.

“Zhvillohet pikërisht se atë ditë në Tiranë do të jetë samiti i BE-së dhe Ballkanit Perëndimor.

Qëllimi është ky: t'u tregojmë miqve tanë të BE-së, se ai që do kenë nesër në tavolinë nuk përfaqëson shqiptarët. Pasi Rama është ai që e kërkon Shqipërinë larg BE-së dhe shqiptarët larg Shqipërisë. Qëllimi është t’i themi BE, se shqiptarët janë ata që kërkojnë të hynë në BE dhe nuk përfaqësohen nga ky kryeministër i korruptuar.

Sa u takon masave të marra për protestën nesër.

Është propaganduar shpesh siguria e liderëve që do vijnë nga Europa, por ju garantojmë se ne na intereson më shumë siguria e tyre sesa qeverisë së korruptuar dhe policisë.”- u shpreh Paloka në “Top News”./CNA.al





Lajmet e fundit nga