E fundit!

19:38 Aktualitet

Pakënaqësi për kandidatët e propozuar?/ Debat mes anëtares së Këshillit Kombëtar dhe Berishës

Mbledhja e Këshillit Kombëtar të PD-së është shoqëruar me ...

Një ditë pas garës/ Kandidatja e Primareve në Kurbin, akuza Flamur Nokës dhe Albana Vokshit

5 Dhjetor 2022, 08:52, Politikë CNA

Një ditë pas garës/ Kandidatja e Primareve në Kurbin, akuza

Në Primaret e Kurbinit ka fituar kandidati Behar Haxhiu me 1358 vota.

Ndërkohë, pas rezultateve nuk kanë munguar reagimet.

Lindita Toma, njëra nga kandidatet, një ditë pas garës ka lëshuar akuza të forta për manipulime.

Ajo ka akuzuar Flamur Nokën dhe Albana Vokshin.

Sipas saj lista e anëtarëve është ndryshuar dy herë nga lart.

“Në listën e Anëtarsisë kishte probleme të theksuara duke lënë jashtë Demokrat duke i zëvëndësuar me njerëz që nuk kanë lidhje me Partinë Demokratike. Në lista po ashtu ishin të përfshirë dhe të majtë që nuk kanë votuar kurrë PD-në.Ka patur anëtar ku kanë votuar 2 apo 3 herë në 3 qendra votimesh të ndryshme.Teksa shihje simpatizant anonim duke votuar nga ana tjetër shihje Demokrat me teser Partie që nga viti 1991 duke thënë që pse më kanë fshirë nga listat e Partisë Demokratike

Për këto problematika akuzoj Sekretarin e Pergjithshëm të PD-së Flamur Nokën dhe Albana Vokshin të cilët kanë ndikuar në prishjen e këtij proçesi të Primareve duke favorizuar një nga kandidatët”, shkruan Toma në rrjete sociale.

Deklarata e plotë:

Të nderuar Demokrat dhe Demokrate Kurbinase.

Në rrallë të parë dua të falenderoj nga zemra ata të cilët më votuan në këto "PRI-MARRE" duke votuar pa asnjë lloj ndikimi , presioni apo ndonje favori monetar.Besoj që 318 votat do ishin shumfishuar në qoftë se do të përfshiheshin simpatizantët Demokrat të vërtetë të qytetit të Laçit të cilët u lanë jashtë listave për të favorizuar njërin nga Kandidatët.

Këto pislliqe filluan nga lart duke ndryshuar listën e anëtarsisë 2 herë dhe listën e simpatizantëve duke na e dhënë vetëm 8 orë para nisjes së proçesit të votimit.

Në listën e Anëtarsisë kishte probleme të theksuara duke lënë jashtë Demokrat duke i zëvëndësuar me njerëz që nuk kanë lidhje me Partinë Demokratike. Në lista po ashtu ishin të përfshirë dhe të majtë që nuk kanë votuar kurrë PD-në.Ka patur anëtar ku kanë votuar 2 apo 3 herë në 3 qendra votimesh të ndryshme.Teksa shihje simpatizant anonim duke votuar nga ana tjetër shihje Demokrat me teser Partie që nga viti 1991 duke thënë që pse më kanë fshirë nga listat e Partisë Demokratike.

Kisha tepër besim se me votën e lirë të anëtarëve do votonin lirisht për Kandidatin që do donin të drejtonte Bashkinë Kurbin, por fatkeqësisht ndodhi e kundërta.

GARA ISHTE E MANIPULUAR!/CNA.al