web counter
LEXO PA REKLAMA!

SHKARKO APP

App Store
Google Play

Primaret e Korçës, numër të ulët votuesish/ Kandidatja e PD-sç: Ishin katastrofë, të shohim si do kakarisë KOKOE

4 Dhjetor 2022, 22:35, Politikë CNA
Primaret e Korçës, numër të ulët votuesish/
Entela Dvorani

Ish-deputetja dhe aktualisht dekania e Fakultetit Ekonomik në universitetin “Fan Noli", Ledina Aliolli, është shpallur ditën e sotme fituese e Primareve në Bashkinë e Korçës.

Aliolli ka fituar garën e primareve me  619 vota ndërsa, Gjergji Gjata 426 vota dhe Entela Dvorani me 47 vota.

Por siç raportoi edhe CNA.al, rezulatet treguan se në këto primare Korça ka regjistruar pjesëmarrjen më të ulët historike në një palë votime të zhvilluar në Partinë Demokratike e kësaj dege.

Nga 110.000 votues që kanë marrë pjesë në zgjedhjet e mëparshme në bashkinë e Korçës, vetëm rreth 1000 votues morën pjesë në zgjedhjen e kandidatëve për primaret në Korçë.

Për këtë ka reaguar edhe Entela Dvorani, e cila shprehet se primaret e Korçës ishin një katastrofë. Ajo deklaron se tashmë Edi Rama ka të drejtë plotësisht të mbyllë jo vetëm Gjykatën, por edhe spitalin e Korçës.

Dvorani me nota ironizuese përshëndet KOKOE-n për mënyrën se si do të flasë në datë 6 dhjetor.

Ndër të tjera, ajo ka deklaruar se kur të ngjallet Skënderbeu do votohet përsëri Partia Demokratike në Korçë.

“Edi Rama tani mbyllja edhe spitalin Korçës, e meriton plotësisht jo vetëm gjykatën, vetëm aman mbaj Universitetin.

Me 230 anëtarë të PD që votuan për Ledinen dhe Gjegjin  edhe me shtesat 668 simpatizantë të tyre!

Nje katastrofë për opsionin kundër ! Primare as u kuptua fare !

1000 njerez erdhën rrotull 1 muaj .

Po te kishin punuar ato ore rrotull qytetit do ish bere nje pune e madhe. 

Përshëndes KOKOE për mënyrën si do kakarisë në datën 6, kush dëgjon Rudinën prapë!

Në Korçë kur të ngjallet Skëndërbeu do votojë PD-në Vani Bregu !

Mbajeni mend ç' ju thashë. Isha si termometri brenda proçesit”, thekson kandidatja e primareve të Korçës./ CNA.al





Lajmet e fundit nga