Gerti Bogdani, garancia e Lulzim Bashës tek koncesioni i inceneratorëve

16 Qershor 2020, 08:43, Politikë CNA

CNA.al ka publikuar një dosje investigative të plotë në lidhje me skandalin e inceneratorëve, në Shqipëri.

Në muajin shkurt 2020, CNA.al ka zbuluar me dokumente edhe ortakërinë e drejtorit të Top Channel, Ben Blushit, me pronarët e inceneratorëve, ku marrëdhënien tregtare e ka bashkëshortja e tij Eva Blushi.

CNA.al ka treguar me dokumente zyrtare se Eva Blushi është bashkëaksionere me Klodian Zoton dhe Mirel Mërtirin, në kompaninë Em Capital Group Ad. Një kompani e themeluar në Bullgari, ku Eva Blushi gëzon 30% të aksioneve. (Lexo këtu).

Më tej, ne shtuam në dosjen publike të këtij denoncimi, edhe mjaft të dhëna të reja, që fillonin në Hollandë, shkonin në Bullgari e përfundonin në Tiranë, tek Ministria e Mjedisit e deri tek ortakëritë e pronarëve të inceneratorëve me Ben Blushin apo edhe aksioneren e Top Channel, Vjollca Hoxhën.(Lexo këtu)

Ndërkohë, ajo që binte në sy, pas publikimit të kësaj dosje ishte reagimi i opozitës, dhe kreut të PD-së, Lulzim Basha.

Ky i fundit është mjaftuar me deklaratat e bëra në studiot televizive, ku vijon t?i bjerë në një ?vrimë fyellit?, duke përsëritur koncesione, koncesione, por nuk ndërmori asnjë hap ligjor sa i përket skandalit të inceneratorëve.

Ndërkohë që pritej që opozita të bënte detyrën e saj dhe ta çonte dosjen në SPAK, në fakt nuk ndodhi një gjë e tillë.

Por, çfarë ndodhi më tej

Tashmë kanë dalë në dritë të tjera detaje dhe fakte, që tregojnë edhe arsyen se pse Lulzim Basha hesht në lidhje me koncesionin e inceneratorëve.

Dy ditë më parë, Boldnews publikoi një skandal që lidhej me njeriun hije të koncesionit të inceneratorëve, Mirel Mertirin, emri i të cilit shfaqet kudo ku del Klodian Zoto.

Sipas këtyre raportimevve, ortaku i kompanisë që ka marrë me koncesion inceneratorët në Shqipëri, është përfshirë në një skandal në Zimbabve të Afrikës, në lidhje me dy tendera në fushën e shëndetësisë dhe blerjen e materialeve anti-covid. Tendera që kapin vlerën 60 milion dollarë.

Mërtiri, i cili deri tani njihej vetëm si emër që qëndron pas inceneratorëve në pronësi formale të Klodian Zotos, është paraqitur në Zimbabve me emrin Ilir Dedja.

Agjencia e lajmeve ?Zimlive? raporton se Qeveria e Zimbabves ka urdhëruar anulimin e një tenderi 60 milionë USD që agjencia shtetërore shëndetësore, ?Natpharm? kishte lidhur me kompaninë ?Drax International? të biznesmenit shqiptar, Ilir Dedja, nën dyshime për aferë korruptive. (Lexo këtu)

Ku lidhet Lulzim Basha me koncesionin e inceneratorëve

Lidhja zbulohet qartë nëpërmjet një fotoje, të publikuar nga agjencia e lajmeve ?Zimlive?.

Në foton në fjalë, janë zyrtarë të lartë të atij vendi, me biznesmenin shqiptar Ilir Dedja (Klodian Mërtiri), ndërsa në krah të tyre është edhe ish-deputetin e Partisë Demokratike, Gerti Bogdani, i cili duket të jetë përfaqësuesi dhe garancia e Lulzim Bashës pranë koncesionit të inceneratorëve. Fotoja flet qartë dhe tregon edhe një herë fytyrën e vërtetë të Lulzim Bashës, i cili ?bërtet? në studiot televizive koncesione, oligarkë, dhe nga ana tjetër ?fle? me oligarkët.

Në vend që të bënte detyrën e tij, dhe të çonte dosjen në SPAK, Luli vetëm flet kot në televizione dhe nga ana tjetër e ka tashmë të zbuluar ortakërinë me koncesionin e inceneratorëve./ CNA.al

Lidhja kriminale e Lulzim Bashës dhe Ben Blushit me inceneratorët

Pse Basha nuk çon në SPAK dosjen e inceneratorëve?!

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Skema korruptive e koncesionit të inceneratorit të Elbasanit/ Si u gllabëruan miliona euro

Lidhja kriminale e Lulzim Bashës dhe Ben Blushit me inceneratorët