web counter
LEXO PA REKLAMA!

SHKARKO APP

App Store
Google Play

Balluku “shigjeton” Irfan Hysenbelliun/ Të jesh pronar mediash, s’do të thotë të mos paguash taksat

23 Mars 2023, 17:40, Politikë CNA
Balluku “shigjeton” Irfan Hysenbelliun/ Të jesh pronar mediash,
Zv.kryeministrja dhe ministrja e Infrastrukturës, Belinda Balluku

Zv.kryeministrja dhe ministrja e Infrastrukturës, Belinda Balluku ka “shigjetuar” biznesmenin Irfan Hysenbelliu, teksa ka replikuar me deputeten e Partisë Demokratike, Albana Vokshi.

Balluku iu përgjigj akuzave të opozitës, e cila përmendi raportin e DASH dhe aksionin në “Prestige Resort”, duke bërë të qartë se një pronar mediash ka edhe detyrime.

Balluku tha se një pronar mediash, nuk mund të jetë dhe pronar i linjave ushqimore e të lërë taksat pa paguar. Po ashtu, theksoi se nuk mund të jetë edhe ndërtues e të ngrejë godina pa leje.

“Raporti i DASH nuk do të thotë të mos i paguash rrogat e gazetarëve ashtu siç janë në të vërtetë po t’i deklarosh të gjithë me 300 mijë lekë dhe të bësh sikur nuk ka ndodhur asnjë gjë. Të jesh pronar mediash do të thotë të jesh pronar mediash dhe jo të jesh edhe pronar i linjave ushqimore ku nuk paguhen taksa, edhe ndërtues që nuk marrin leje ndërtimi.

Pra, kur ti je pronar mediash dhe nuk merr leje ndërtimi nuk ka problem, ti duhet të ndërtosh se e thotë Doruntina që duhet të mbrojë fjalën e lirë. Tani kjo është një histori që nuk mund të vazhdojë pa fund që kur na e ka qejfi të mbrojmë raportin e DASH dhe kur nuk na e ka qejfi dhe dalin non grata në mëngjes ta shajmë Amerikën, SHBA dhe këdo tjetër. Unë e kam shumë të qartë që s’të pëlqesh të dëgjosh të vërtetën por meqënëse u hap puna e raportit të DASH, ka dhe gjetje positive në raportin e DASH”, deklaroi zv.kryeministrja.

Kujtojmë se një ditë më parë policia dhe IKMT vazhduar aksionin në “Prestige Resort” të Irfan Hysenbelliut për të konfiskuar dy godina pa leje.

Gjithashtu, Drejtoria e Tatimeve ka konfirmuar raportimet e CNA se Hysenbelliu ka 8.8 milionë euro detyrime në shtet me tre kompani, “Birrën Korça”, “Birrën Tirana” dhe me "Albecorp"./ CNA





Lajmet e fundit nga