LEXO PA REKLAMA!

SHKARKO APP

Berisha zbulon historinë/ Çfarë i tha shtetasi italian në Bruksel në vitin ’99

22 Mars 2023, 18:26, Politikë CNA
Berisha zbulon historinë/ Çfarë i tha shtetasi italian në
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka treguar një histori me një shtetas italian që ka takuar në vitin 1999 gjatë një vizite në Bruksel.

Berisha tha se italiani e kishte pyetur nëse mafia shqiptare kishte filluar të bënte bamirësi.

Sipas kreut të PD-së, ai i ishte shprehur se problemi më i madh është kur mafia fillon bën bamirësi dhe lidhet me pushtetin.

Kryedemokrati pretendon se kjo gjë po ndodh tani në vendin tonë, ku ngriti akuzat se mafia e qeverisë po vjedh qytetarët dhe po blen vota.

“Do ju tregoj një histori. Në vitin ’99 në Bruksel, aty takova një Italian, i cili shërbente në sektorin e shërbimeve të Komisionit Europian, kishte lexuar dhe dëgjuar mjaft për mafien shqiptare të Fatos Nanos me shokë. Dhe më tha: ‘tani më thuaj mua pak, kanë filluar bamirësinë ata mafiozët në Shqipëri?’

I thashë ‘kanë filluar, por jo shumë’.

‘Qenke mirë’, tha: -‘Kur të fillojnë shumë atëherë është problem i madh’. Dhe këta çfarë bëjnë, ju vjedhin ju, ndajnë para për vota, ju vjedhin ju, ndajnë ndihma për vota. Ja, pra, këta janë shushunja të vërteta të këtij populli”, theksoi Berisha./ CNA

Lajmet e fundit nga