web counter
LEXO PA REKLAMA!

SHKARKO APP

App Store
Google Play

Rama "nxjerr jashtë loje" spitalet private/ "Jemi këtu për përmirësimin e shëndetit publik”

22 Mars 2023, 14:37, Politikë CNA

Rama "nxjerr jashtë loje" spitalet private/ "Jemi këtu
Kryeministri Edi Rama ka folur sërish për rritjen e pagave të mjekëve në muajin prill me 500 dollarë,  rritje e cila do të vijojë edhe më tej në vazhdim.

Në inaugurimin e urgjencës së re në QSUT, Rama teksa ka folur për qëllimet e programit të tij për rikthimin e mjekëve dhe mundësisë për t’i mbajtur ata në Shqipëri, u shpreh se është i vetëdijshëm që do t’u shkaktojë një dëm të konsiderueshëm spitaleve private.

Më tej ai theksoi se qeveria ka për të detyrë të përmirësuar shëndetin publik.

“Ne kemi vendosur që të rrisim në mënyre agresive pagën për mjekët. Paga për muajin prill do të jetë 500 dollarë plus dhe nuk duam të ndalemi këtu pasi do të rrisim edhe më shumë pagën, por edhe kjo duket se është e pamjaftueshme ndaj do të publikojmë një program tjetër për mjekët, policët, ushtarakët, do të paraqesim ndryshime për mjekët të cilët do të vijnë çift. Jo vetëm për çiftet e mjekëve, por sikurse thamë edhe për ushtarët dhe policët. Besojmë se do t’u japim një motivim mjekëve të rinj. Është një sfidë shumë e madhe e ikjes së mjekëve drejt Europës, gjë që ndodh kudo. Kemi vendosur të financojmë studimet në mjekësi. Shqipëria s’mund të financojë mjekë për gjermanët. E dimë që ky nuk është një lajm i mirë për spitalet private. Ne nuk jemi këtu për të bërë spitalet private të ndihen mirë, medoemos, ne jemi këtu për të përmirësuar shëndetin publik. Është e neveritshme kur thonë që një mjek del përpara dhe njerëzit thonë ky nuk të prek më dorë po si dhe lekë. E dimë tashmë që realiteti është shumë ndryshe”, tha ai./CNA.al
 

 

 


 

 

 

 





Lajmet e fundit nga