E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Veliaj krenohet me fidanet e mbjella në Tiranë/ “Ju bëni shaka, por ato janë rritur, bëjnë hije”

21 Mars 2023, 15:17, Politikë CNA

Veliaj krenohet me fidanet e mbjella në Tiranë/ “Ju bëni

Kryetari i Bashkisë së Tiranës, Erion Veliaj, ka prezantuar ditën e sotme nisjen e javës së Teknologjisë Tirana-Tel Aviv, qëllimi i së cilës është njohja e sipërmarrësve izraelitë me teknologjinë dhe bizneset kryesore të kësaj fushe si dhe krijimi e urave të bashkëpunimit.

Në këtë nismë kanë marrë pjesë 88 kompani lider si dhe investitorë potencialë nga Izraeli.

Veliaj bëri të ditur se bashkë me Fondin Shqiptaro-Amerikan të Zhvillimit janë hapur thirrje për start up-et apo kompanitë, dhe ato të cilat duan të marrin pjesë mund të vendosen te Piramida e Tiranës.

“Bashkë me Fondin Shqiptaro-Amerikan të Zhvillimit kemi hapur një thirrje te Piramida, për start up-et apo kompanitë që duan të vendosen aty. Sigurisht, kemi rezervuar 1/3 e hapësirës për qendrën “Tumo”, ndërkohë 1/3 do të jenë shërbime. Pra, ne duam që kompani të stabilizuara të rekrutojnë që në moshë të vogël talente nga qendra “Tumo”. Gjithashtu, sapo kemi marrë pjesën e fundit të tokës te “Zona e Lirë Ekonomike” në Kashar. Është një hapësirë ideale, sepse lidhet fare mirë edhe me rrugën e Kombinatit, në Jug të Tiranës, edhe me një zonë shumë të madhe si “Astiri”, ku një pjesë e të rinjve fillojnë jetesën e tyre në Tiranë. Është shumë afër zonave të banuara, ku jetojnë shumë të rinj, që merren me aktivitete të tilla, po ashtu është e lidhur me autostradën. Është shumë afër aeroportit dhe shumë afër portit”, tha ai.

Veliaj ndër të tjera ka përmendur edhe fidanet e pemët e mbjella duke rikujtuar se ato sot janë rritur dhe vlejnë për diçka, për të bërë hije.

“Ftesa për sot është të bëjmë histori, jo histeri. Unë besoj se edhe në Izrael, edhe në Shqipëri, ne prodhojmë pa fund histeri brenda, por kur vjen puna te marrëdhëniet me jashtë duhet të prodhojmë histori; ndaj do të doja shumë që ta shfrytëzojmë këtë mundësi të jashtëzakonshme, të mësojmë nga njëri-tjetri dhe janë vërtet 88 mundësi për të mbjellë 88 fidanë. E di që të gjithë bëjnë shaka me ato pemët e Lalit, por ata fidanë sot janë rritur, po bëjnë hije dhe në ditë si sot me shi, kur shohim si kanë çelur sythat, ia ka vlejtur fidani që mbollëm para 5-6 vitesh”, u shpreh ndër të tjera./CNA.al