web counter
LEXO PA REKLAMA!

SHKARKO APP

App Store
Google Play

Regjistrimi i PD-së në zgjedhjet e 14 majit/ Berisha ankimon vendimet e KAS dhe të Celibashit

20 Mars 2023, 17:00, Politikë CNA
Regjistrimi i PD-së në zgjedhjet e 14 majit/ Berisha ankimon vendimet
Kryetari i PD-së, Sali Berisha

Pak ditë më parë, KAS doli me vendimin që PD e vulës duhet të regjistrohet në zgjedhjet e 14 majit me kryetar të komanduar Enkelejd Alibeajn.

Dy ditë më pas, kryetari i KQZ-së, Ilirjan Celibashi, regjistroi PD-në e vulës në zgjedhje, duke u shprehur se nuk kishte rrugë tjetër veçse të zbatonte vendimin e KAS.

Por kryetari i PD-së, Sali Berisha e ka dërguar këtë çështje në Kolegjin Zgjedhor.

Berisha kërkon që të pezullohet vendimi i KAS, si dhe të ç’regjistrohet subjekti “Partia Demokratike”, e regjistruar me nënkryetarin Enkelejd Alibeaj, në cilësinë e kryetarit të komanduar.

Teksa pret që Kolegji Zgjedhor të shqyrtojë këtë kërkesë të tij, Berisha i është drejtuar me një tjetër ankimim KAS-it.

Kreu i demokratëve kërkon që të pezullohet vendimi i Celibashit, derisa të merret një përgjigje nga Kolegji Zgjedhor.

“Në kushtet kur Kolegji Zgjedhor do të shprehet brenda afateve të caktuara nga ligji për ankimin sipërcituar, si dhe për sa kohë Kolegji mund të vendosë potencialisht të pranojë padinë dhe të prish vendimin e KAS, gjykojmë se Komisioneri Shtetëror i Zgjedhjeve kishte detyrimin që të pezullonte zbatimin e vendimit nr. 27 objekt ankimi në Kolegj, derisa Kolegji Zgjedhor të jetë shprehur me vendim përfundimtar”, thuhet në kërkesën e Berishës./ CNA





Lajmet e fundit nga