web counter
LEXO PA REKLAMA!

SHKARKO APP

App Store
Google Play

Kritikoi deputetin e PS për gafën e tij/ Meta bie vetë "në grackë"

19 Mars 2023, 22:06, Politikë CNA

Kritikoi deputetin e PS për gafën e tij/ Meta bie vetë

Gafa e deputeti socialist Toni Gogu ka marrë reagime të shumta nga publiku dhe jo vetëm pasi për të kanë reaguar dhe komentuar edhe personazhe të politikës, të cilët ironizuan gafën e tij.

Me anë të një postimi në rrjetet sociale, Gogu ka shpërndarë këngën e Hajredin Pashës ku shkruan qartë se ai ishte heroi i dibranëve.

“170 vite këngë e lavdi, dedikuar Hajredin Pashës, heroit të gjithë dibranëve. Një prej dedikimeve që ndër breza është trashëguar e vijon të ngjallë njësoj emocione", shkruante Gogu në Facebook.

Kritikoi deputetin e PS për gafën e tij/ Meta bie vetë

Nga komentetet e marra dhe reagimet për postimin lidhur me emrin e Hajredin Pashës, ai mësoi gabimin dhe e fshiu duke lënë vetëm: “170 vite këngë e lavdi, dedikuar heronjve dibranë. Një prej dedikimeve që ndër breza është trashëguar e vijon të ngjallë njësoj emocione”.

Kritikoi deputetin e PS për gafën e tij/ Meta bie vetë

Por duket se kreu i Partisë së Lirisë, Ilir Meta ka ndjekur rrugën e deputetit të PS.

Me anë të një postimi Meta shprehet se si Gogu mund të ngatërronte Hajredin Pashën me Elez Isufin, por mesa duket kreu i PL-së ka gabuar dhe vetë.

"Vetëm 'Rilindja' mund ta ngatërronte Hajredin Pashën, me Legjendën e Dibrës dhe të mbarë kombit, Elez Isufin’, shkruan Meta në rrjetet sociale.

Kritikoi deputetin e PS për gafën e tij/ Meta bie vetë

Meta ka dashur të japë mend, por pa ditur mirë historinë ka gabuar dhe ai.

Hajredin Pasha ka qenë një armik i betuar i dibranëve të cilët ishin betuar që mos të dorëzoheshin kurrë përpara turqëve.

Ndërsa Elez Isufi është hero i Dibrës por ai ka lindur 20 vite më vonë betejës së zhvilluar në Fushën e Gjoricës, në vitin 1844, për të cilën bën fjalë kënga e njohur e “Hajredin Pashës”.

Deputeti i Ramës, dhe Ilir Meta duhet ta kuptojë se hero i Dibrës është Iljaz Pashë Dibra, i cili ka luftuar kundër osmanëve gjatë betejave të Gjoricës në 1844./CNA





Lajmet e fundit nga