PD-ja e vulës zbulon kandidatin e radhës/ Kush do jetë përfaqësuesi i tyre në Vorë

18 Mars 2023, 19:35, Politikë CNA

PD-ja e vulës zbulon kandidatin e radhës/ Kush do jetë

PD-ja e vulës ka zbuluar ditën e sotme kandidatin e saj për zgjedhjet e 14 majit për bashkinë Vorë.

Nëpërmjet një postimi në rrjete sociale PD-ja ka bërë të ditur se Ibrahim Bruka do të jetë kandidati për Vorën.

Ibrahim Ruka është mjek në profesion dhe në 2001 ka kandiduar për deputet në zonën 44 në Tiranë. Gjithashtu ai ka qenë pjesë e primareve reale në 2020 dhe fitues i garës.

“Ibrahim Bruka, Kandidat i Partisë Demokratike për Kryetar Bashkie në Bashkinë #Vorë

Ibrahim Arif Bruka është lindur në 15 Shkurt 1962 në Ujmisht të Kukësit. Në vendlindje ka mbaruar arsimin 8-vjeçar të kohës. Arsimin e mesëm të përgjithshëm në vitit 1977-1981 në shkollën e mesme të bashkuar në Kukës. Gjatë viteve 1981-1982 kreu stazhin në prodhim. Në vitet 1982-1987 mbaroi studimet e larta Fakulteti i Mjekësisë, dega mjekësi e përgjithshme në Universitetin e Tiranës.

Ne vitet 1987-1988, Ibrahimi ka punuar si mjek i përgjithshëm në Kukës. Në vitet 1988-1991 ka kryer studimet post universitare për kirurgji dhe gjatë kësaj kohe është emëruar mjek kirurg në QSUT, Nënë Tereza, Tiranë.

Aktiviteti politik: Aktiv gjatë lëvizjes së dhjetorit 90’dhe në vazhdim pa shkëputje.

Në viti 2001 Ibrahim Bruka ishte kandidat për deputet dhe fitues në zonën 44 në Tiranë. Pjesmarrës i përhershëm në të gjitha fushatat për zgjedhjet qendrore dhe lokale dhe i deleguar në Tiranë dhe në qarqe të tjera. Anëtar i komisionit të disiplinës, i votuar nga Këshilli Kombëtar i kohës nga viti 2005 deri në vitin 2009. I propozuar për çdo fushatë lokale dhe qëndrore si kandidat nga Tirana, Kamza, Vora dhe Kukësi. Pjesë e primareve reale në 2020 dhe fitues i garës. Aktualisht anëtar i KKPDSH, nga Kuvendi i Korrikut 2021. Asnjë lidhje me diktaturën personalisht por dhe nga familja.

Ibrahim Bruka kandidon për Bashkinë Vorë, me qëllimin e vetëm: T’i kthejë pushtetin vendor qytetarëve të Vorës, të cilët kanë nevojë më shumë se kurrë për një vizion e qasje të re të mirëqeverisjes”, shkruhet në postimin e tyre./CNA.al