web counter
LEXO PA REKLAMA!

SHKARKO APP

App Store
Google Play

Meta "shigjeton" Veliajn/ Me buxhetin e bashkisë ndërtohen rrugët e Parisit, jo vetëm të Tiranës

19 Mars 2023, 16:02, Politikë CNA

Meta "shigjeton" Veliajn/ Me buxhetin e bashkisë ndërtohen

Kreu i Partisë së Lirisë, Ilir Meta, është shprehur se me buxhetin që ka bashkia mund të ishin rregulluar dhe rrugët e Parisit jo vetëm ato të kryeqytetit.

Gjatë një takimi me banorët në zonën e Freskut në Tiranë, Meta u shpreh se mbyllja e kufijve nuk është zgjidhje për të ndaluar ikjen e qytetarëve.

Ndërsa për zgjedhjet e 14 majit, kreu i PL-së u shpreh se është dita ku do të rikthehet llogaridhënia.

“Mbyllja e kufijve nuk është zgjidhje për largimin e njerëzve, por mbështetja e politikave në interes të tyre. Kjo është vendimtare për një shoqëri që transmeton vitalitetin e saj te fëmijët në radhë të parë dhe përmes tyre arrin të ketë një të ardhme solide. Kosova nuk është më e pasur se ne, kemi buxhet 2 herë më të lartë ata, por ata kanë të ardhura më të larta. Nuk është normale që Mali i Zi e paguan mësuesen 9900 euro në vit, dhe ne 4200 euro në vit. Është e pamundur të sigurohet mbijetesa. Me buxhetin e bashkisë mund të ishin rregulluar dhe rrugët e Parisit, jo më ato të Tiranës. 14 maji është dita kur do rikthehet llogaridhënia në Shqipëri”, u shpreh Meta./CNA





Lajmet e fundit nga