web counter
LEXO PA REKLAMA!

SHKARKO APP

App Store
Google Play

Arrestimi i Lefter Allës/ PS justifikohet: Nuk jemi zyrë avokatie

20 Mars 2023, 11:06, Politikë CNA

 

Arrestimi i Lefter Allës/ PS justifikohet: Nuk jemi zyrë avokatie
Foto ilustruese

Kreu i Grupit Parlamentar të Partisë Socialiste, Taulant Balla, në një deklaratë për mediat,ka folur në lidhje me arrestimin e kryebashkiakut të Bulqizës, Lefter Alla, duke u justifikuar se, PS-ja nuk është zyrë avokatie.

Balla u shpreh se në politikë përgjegjësitë janë personale dhe se Partia Socialiste ka vendosur një standard.

"Opozita ka bërë të gjitha përpjekjet për të penguar procesin e vettingut. Nëse do t'i hidhni një sy Italisë dhe të bëni një kërkim në Google, 'arrestato', kjo nuk ka nevojë për asnjë koment, dhe 2 vite më parë janë arrestuar në SPAK për probleme me drejtësinë, ne do të mbajmë të njëjtin qëndrim. PS nuk është zyrë avokatie për asnjë.

 PS ka vendosur një standard, që uroj dhe ta sugjeroj që ta kenë të gjithë. Kryetari i Bashkisë së Mallakastrës nuk ka asnjë dënim që ta ndalojë që të kandidojë. Nuk ka asnjë ndalim, do jetë kandidati ynë. Bushi është thirrur në SPAK si person që ka dijeni për një çështje, sipas jush nëse shkon në SPAK do të thotë të mos kandidosh më", tha Balla./ CNA.al





Lajmet e fundit nga