web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 14 majit/ Celibashi ngre shqetësimin: Nuk ka asnjë rregull për mediat "online"

20 Mars 2023, 10:32, Politikë CNA
Zgjedhjet e 14 majit/ Celibashi ngre shqetësimin: Nuk ka asnjë rregull
Kreu i KQZ-së, Ilirjan Celibashi

Kreu i KQZ-së, Ilirjan Celibashi, ka folur për rolin e mediave "online", në prag të zgjedhjeve të 14 majit.

Celibashi është shprehur se financimi në media është një shqetësim tjetër, i cili nuk ka ende një zgjidhje pasi legjislacioni ynë nuk ka një rregull që të imponpojë sjelljen e këtyre mediave.

“Sot e dimë që media e shkruar e ka humbur atë rolin e vet, rëndësinë e vet, vazhdojnë mediat tradicionale, radio e TV të kenë rol të dorës së parë. Por e dimë shumë mirë, që rrjetet sociale, mediet 'online' kanë fituar terren në këtë fushë. Legjislacioni ynë nuk ka asnjë rregull që t'i imponohet sjelljes së këtyre mediave. Ndaj shpresoj që në kuadër të reformës së re elektorale të gjej trajtesën e vet edhe ky aspekt.

Edhe pse vetë në vetvete media 'online', rrjetet sociale, që janë një risi, nuk e kanë rregullimin që duhet të kenë, mendoj se kjo nuk i pengon partitë politike dhe Kuvendin e Shqipërisë të adresojnë raportin mes partive politike, fushatave sociale dhe mediave sociale. Lidhur me reklamat politike, eksperiencat e deritanishme kanë treguar se ka paqartësi në këtë mes.

Kemi raste kur media të caktuara, justifikimin e tyre mbi një lloj zhbalancimi, në lidhje me reklamat politike, apo subjekteve elektorale, e kanë justifikuar, që ne kemi dhënë, por i kemi dhënë falas, s’mund ta bëjnë këtë për partitë politike, nuk lejohet nga ligji”, është shprehur Celibashi.

Nga ana tjetër ambasadori i OSBE-së, De Santics, është shprehur se financimi në televizione duhet të monitorohet për të shmangur përdorimin për fushatë. 

“Në raportin e vitit 2021 ka pasur dhe disa elemente mbi median. Ka pasur një rekomandim nga ODIHR, kodi zgjedhor duhet të garantojë të drejta të barabarta për hapësirën e reklamave, për të gjithë njësoj. Është vënë re se mund t'i jepet një vëmendje e caktuar gjatë fushatave zgjedhore një kandidati apo një partie të caktuar. Ka një ndjeshmëri të lartë lidhur me këtë pikë.

Urojmë që të operohet gjatë ndryshimeve të kodit zgjedhor. Paratë që shpenzohen nga partitë politike mund të jenë domethënëse, ky investim mund të jetë një ndikimin, ekziston rreziku që kandidatët me më shumë para, ndikojnë më shumë në media. Prandaj OSBE inkurajon një monitorim më të madh të veprimtarisë së medias dhe fondeve të përdorura nga kandidatët dhe partitë për financimin e fushatave të tyre në media”, tha ai./ CNA.al





Lajmet e fundit nga