web counter
LEXO PA REKLAMA!

SHKARKO APP

App Store
Google Play

Berisha zbulon objektivat/ "Do të trefishojmë pagat për qytetarët"

20 Mars 2023, 12:31, Politikë CNA

Berisha zbulon objektivat/ "Do të trefishojmë pagat për

Kreu i Partisë Demokratike, Sali Berisha, ka premtuar se pagat në vend do të trefishohen.

Gjatë një dalje mediatike, kryedemokrati theksoi se PD-ja do të depozitojë në parlament ligjin për dyfishimin e rrogave të ulëta si akt i parë.

Berisha shprehet se ky ligj do të jetë i detyrueshëm për çdo institucion të këtij vendi.

“PD denoncon të turpshme, antiligjore, antikushtetuese përdorimin e qindra miliona eurove për qëllime elektorale nga Edi Rama.

Garantoj qytetarët se jo dyfishimi i rrogave, por trefishimi do të jetë objektiv numër një i qeverisjes së PD-së.

Por rritjet e rrogave, në asnjë vend të lirë, nuk bëhen para zgjedhjeve, para votimit të qytetarëve.

Ai që bën një akt të turpshëm është një kriminel elektoral, një bandit i vërtetë, një mashtrues ordiner.

Pagat e ulëta duhet të dyfishohen dhe ne i garantojmë të gjithë punonjësit që pagat në të gjithë piramidën shtetërore do dyfishohen.

Por këto akte nuk merren kurrë me qëllim për të ndikuar votën e qytetarëve.

Thirrja e tij për rritjen e rrogave të ulëta është një demagogji, pasi ajo nuk bëhet me vullnet, ajo është një thirrje thjesht propagandistike.

PD do të depozitojë në parlament ligjin për dyfishimin e rrogave të ulëta si akt i parë.

Ky ligj do jetë i detyrueshëm për çdo institucion të këtij vendi, për çdo sipërmarrje të këtij vendi.

Ne këto veprime nuk i bëjmë për propagandë, ne i bëjmë se kemi bindje se një ndëshkim madhor më kryesor i këtyre 9 viteve ka qenë ngrirja e rrogave dhe pensioneve, de facto ulja e frikshme e tyre për shkak të inflacionit”, u shpreh Berisha./CNA





Lajmet e fundit nga