web counter
LEXO PA REKLAMA!

SHKARKO APP

App Store
Google Play

E fundit!

x

Pasi mori zyra të shtrenjta, Alibeaj kërkon edhe selinë qendrore

20 Mars 2023, 20:29, Politikë CNA
Pasi mori zyra të shtrenjta, Alibeaj kërkon edhe selinë qendrore
Enkelejd Alibeaj

Enkelejd Alibeaj mbajti sot mbledhjen e parë në zyrat e kushtueshme, ku u zhvendos ditët e fundit.

Konkretisht zyrat e reja Alibeaj i ka marrë në rrugën “Ukraina e Lirë”, përballë Gjykatës Kushtetuese, pas Kullave Binjake, zonë kjo e cila njihet si mjaft e shtrenjtë.

Kjo ishte edhe njëra nga çështjet që ia përmendën sot gazetarët në konferencën për shtyp. Ai tha se zyrat e reja janë të përkohshme përgjatë fushatës, ndërsa kërkoi që demokratët të lirojnë selinë qendrore.

“Zyrat e reja janë të përkohshme përgjatë fushatës, në ka skena të shëmtuara që nuk na bëjnë nder asnjërit nga grupim, janë ato të 8 janarit.  Unë kam këtë qëndrim, nuk jam nga ata që i çon demokratët pre emocioneve të tyre, njerëzore mbase, nuk i çoj njerëzit në konflikt dhe në përplasje, nuk kruaj “me gisht plagë” që mezi po mbyllen nëse do të mbyllen, besoj te ligji, kur ka një vendim gjykatë ai vendim pranohet, ato zyra dhe seli do duhet të lirohen, siç bëra me 25 mars, edhe pse vendimi i gjykatës së shkallës së parë nuk ishte definitiv. Në respekt edhe të ligjit u larguam, tashmë pretendojmë që ato zyra të lirohen”, deklaroi Alibeaj./ CNA





Lajmet e fundit nga