web counter
LEXO PA REKLAMA!

SHKARKO APP

App Store
Google Play

E fundit!

x

“Opozita, në moment shumë të vështirë”/ Fevziu: PD ka nevojë për një koalicion shumë të gjerë

20 Mars 2023, 22:47, Politikë CNA
“Opozita, në moment shumë të vështirë”/
Gazetari Blendi Fevziu

Gazetari Blendi Fevziu e sheh opozitën në një moment shumë të vështirë për shkak të ndarjes së PD-së në grupe dhe ngërçit me vulën.

Fezviu tha në emisionin e Ylli Rakipit se PD-ja nuk duhet ta linte zgjidhjen e problemit në një vendim gjykate, teksa shprehu mosbesim ndaj kësaj të fundit.

Ai pretendon se mënyra që PD të marrë kthesë në zgjedhjet e 14 majit është që të zhvillojë një koalicion shumë të gjerë.

“Shqipëria lëngon në problematikën e opozitës. Opozita është në moment shumë të vështirë për shkak të çarjeve të brendshme, problemeve ligjore dhe paaftësisë për të zgjidhur një problem të sajin të brendshëm.

PD-ja nuk duhet ta linte zgjidhjen e problemit në një vendim gjykate. Gjykatësit nuk mbajnë përgjegjësi dhe gjykata mund të gjejë një gabim procedurial, duke e kthyer sërish për rigjykim, siç ndodhi në këtë rast. Nuk mund të pretendosh që pluralizmi politik të mbetet në dorë të një gjykatësi.

E dyta, shpeshherë procedurat janë për gjënë specifike që kërkon, jo zgjidhje e përgjithshme. PD, pas fitores së Berishës në zgjedhjet e marsit, duhet të kishte hyrë në një proces integrimi të brendshëm. Edhe ata që ishin kundër Berishës, duhet të integroheshin. Mbetej çështja “Alibeaj”, por nuk është vetëm ai problemi.

Një numër deputetësh nuk janë afruar me partinë që drejtohet nga Berisha. Sali Berisha e dominon PD-në, por a i mjafton Sali Berishës kjo parti që të fitojë zgjedhjet? Jo. Ka nevojë për një koalicion shumë të gjerë, me partitë e tjera, me shoqërinë civile, ka nevojë për një hapje të madhe. Edhe me këtë strategji nuk e di si mund të jetë rezultati. Opozita është e pamjaftueshme për të konkuruar me mazhorancën”, theksoi gbazetari./ CNA





Lajmet e fundit nga