web counter
LEXO PA REKLAMA!

SHKARKO APP

App Store
Google Play

E fundit!

x

Përmbysja e sistemit komunist/ 22 marsi, dita e kurorëzimit të demokracisë

22 Mars 2023, 12:50, Politikë CNA

Përmbysja e sistemit komunist/ 22 marsi, dita e kurorëzimit të

Kreu i Partisë Demokratike, Sali Berisha, ka kujtuar përmbysjen e komunizmit dhe ardhjen në pushtet të Partisë Demokratike më 22 mars të 1992-shit.

Në konferencën e zhvilluar, “Doktrina e së Djathtës”, Berisha ka sjellë në vëmendje Shqipërinë e 3 viteve më parë, e cila ka qenë një shoqëri e degraduar dhe e rraskapitur, e mjeruar nga sistemi i asaj kohe.

“Sot është gjithashtu 22 marsi, dita kur shqiptarët 32 vite më parë, kurorëzuan revolucionin demokratik të viteve ’90, përmbysën sistemin komunist, më stalinist të Europës, më të egër, më barbar.

Diktatori i vetëm që do krahasohej me Adolf Hitlerin. E vërteta është se Enver Hoxha, pas luftës zbatoi në Shqipëri, metoda shtypëse terrori që asnjë diktator tjetër nuk ia lejoi vetes. Infanticidi, hiperkolektivizmi ekstrem, e me radhë.

U ndala në këtë moment, sepse 31 vite më parë, nuk ka pasur një shoqëri më të degraduar, më të rraskapitur, më të mjeruar sesa shoqëria shqiptare.

Hiperkolektivizmi ekstrem kishte vendosur shumicën e shqiptarëve në regjimin e një urie kronike.

Izolimi total kishte vendosur shumicën e shqiptarëve ndër një indoktrinim të pashembullt të një vendi tjetër.

Lufta e egër e klasave, kasaphana e saj, kishte krijuar në Shqipëri klimën më të frikshme, më të rëndë.

Karl Jaspers, një intelektual i madh dhe filozof gjerman, që u mor me studimin e nazizmit dhe qëndrimin e shoqërisë gjermane ndaj nazizmit, i shërbeu kombit gjerman me veprat e tij.

Njëra prej të cilave ishte ‘Faji gjerman’.

Në aspektin e shtypjes, Jaspers thotë: Gjatë luftës, gjatë sundimit të Hitlerit, të mendoje të kundërshtoje, do të thotë të hapje varrin tënd.

E vërteta është se pak a shumë e njëjta ishte gjatë paqes gjatë diktaturës së Enver Hoxhës”, tha ai./CNA.al





Lajmet e fundit nga