web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza të forta Agron Malajt/ Është bërë milioner, i jep tendera vëllait të tij

22 Mars 2023, 18:35, Politikë CNA
Berisha, akuza të forta Agron Malajt/ Është bërë
Kryetari i Partisë Demokratike, Sali Berisha

Akuza të forta ka ngritur këtë mbrëmje kryetari i Partisë Demokratike, Sali Berisha ndaj kryebashkiakut socialist të Matit, Agron Malajt.

Gjatë një takimi me banorët e Matit, Berisha tha se Agron Malaj u bë kryebashkiak me pasurinë e një ish-oficeri Garde.

Ai pretendon se tashmë socialisti është bërë milioner, duke i dhënë tendera kompanisë së vëllait të tij dhe duke ndarë paratë së bashku.

“Në këtë largim dhe shkretim masiv, po largohen të gjithë shqiptarët. Shumë herë më afër janë socialistët e thjeshtë me ju, me secilin prej jush, se sa me Agron Malajn, i cili nuk mendon gjë tjetër ditë e natë, se si të pasurohet vetë dhe se si të pasurohet fatosi i tij.

Ka ardhur këtu me deklaratën e pasurive të një ish oficeri garde. Kurse tani është bërë milioner. Ndërton saraje, firmos për të vëllain. Unë i them këtu; por në ligjet e këtij vendi dhe në kodin moral, zyrtari nuk mund të firmosë kurrë për vëllain e tij, se që në momentin që firmos për vëllain e tij, të jepen basene, shpate, prona publike, ai vjedh, vjedh dhe vetëm vjedh.

Lexoni tenderat. Dy kompani gjithsej pranon për të ndërtuar shkollat dhe ua ndan. Njëri njërën shkollë, shkollën tjetër tjetri. Ata ndajnë fondet, ja japin Agronit. Këta janë bërë një sekt i rrezikshëm”, theksoi kreu i PD-së./ CNA





Lajmet e fundit nga