web counter
LEXO PA REKLAMA!

SHKARKO APP

App Store
Google Play

Kërkohet konfiskimi i dy godinave në “Prestige Resort” të Hysenbelliut

22 Mars 2023, 11:04, Aktualitet CNA
Kërkohet konfiskimi i dy godinave në “Prestige Resort”
Foto ilustruese

IKMT dhe Policia e Shtetit kanë zbarkuar në "Prestige Resort" ku kërkohet konfiskimi i dy godinave. Këto godina do t'i kalohen shërbimit social.

Bëhet fjalë për godinat 1 dhe 3, ku përfshihet dhe Aquaparku i "Prestige Resort".

Punonjësja e shërbimit social është shprehur se aty janë për të bërë punën e tyre dhe për të zbatuar ligjin.

Kujtojmë se në dhjetor të vitit 2022 u shemb ndërtesa 7-katëshe pa leje e Hysenbelliut.

Gjithashtu në shkurt të vitit 2023, gjykata rrëzoi padinë e Irfan Hysenbelliut në lidhje me ndërtimin pa leje të pishinave në "Prestige Resort".

Gjykata Administrative e Durrësit nuk e pranoi kërkesën e kompanisë “Erioni sh.p.k.” për të ndalur prishjen nga IKMT të pishinave dhe pistës së “Prestige Resort”, si dhe për të ndaluar ekzekutimin e gjobës gati 200 milionë lekëshe derisa çështja të gjykohej në themel.

Gjyqtari Adrian Shega rrëzoi kërkesën e kompanisë së Hysenbelliut, duke legjitimuar vendimin e IKMT-së, për prishje dhe njëherësh duke konfirmuar se “Prestige Resort” ka qenë ndërtim pa leje. 

Menjëherë pas daljes së vendimit gjyqësor, Irfan Hysenbelliu ka nisur sulmet në mediat e tij ndaj gjyqtarit Ardian Shega.

Në mediat e Hysenbelliut, Shega cilësohet si gjyqtari skandal./ CNA.al





Lajmet e fundit nga