web counter
LEXO PA REKLAMA!

SHKARKO APP

App Store
Google Play

Rama-Presidentes së Greqisë/ “Do t’i zgjidhim çështjet e lëna pezull”

21 Mars 2023, 13:07, Aktualitet CNA
Rama-Presidentes së Greqisë/ “Do t’i zgjidhim
Foto nga takimi Rama me Sakellaropouloun

Kryeministri Edi Rama po zhvillon një takim me presidenten e Greqisë, Katerina Sakellaropoulou.

Rama është shprehur se është optimist se do të zgjidhen të gjitha çështjet e lëna pezull me shtetin fqinj.

Kryeministri ka përmendur faktin se dakordësia për t'iu drejtuar një pale të tretë për zgjidhjen e çështjes së detit tregon se janë në rrugën e duhur për t’u dhënë zgjidhje problemeve.

“Marrëdhënia e njerëzve të zakonshëm është e shkëlqyer, kjo na ka ndihmuar që ta shihnim njëri-tjetrin me sytë e njerëzve të zakonshëm. Jam shumë optimist se pikërisht në këtë klimë do të zgjidhim më së miri të gjitha çështjet e lëna pezull mes dy vendeve. Edhe dakordësia për t’ju drejtuar një pale të tretë për zgjidhjen e detit tregon se jemi në rrugën e duhur për t’u dhënë zgjidhje problemeve”, tha Rama.

Në vijim të vizitës së tij në Greqi, Kryeministri Edi Rama u prit në takim nga Kryetari i Parlamentit grek, Konstantinos Tasoulas, ku vlerësuan rolin e minoritetit grek në Shqipëri dhe komunitetit shqiptar në Greqi, si ura solide miqësie mes vendeve.

“Është kënaqësi e veçantë që jemi sot në Athinë, marrëdhëniet tona janë shumë të mira dhe në përmirësim të vazhdueshëm. Dëshira e dyanshme për t’i forcuar këto marrëdhënie çdo ditë, është shumë e madhe dhe baza e këtyre marrëdhënieve janë pa dyshim të dy popujt tanë dhe urat e forta mes nesh, janë qoftë qytetarët grekë që jetojnë në Shqipëri dhe qytetarët shqiptarë që jetojnë në Greqi”, është shprehur Rama./ CNA.al





Lajmet e fundit nga