LEXO PA REKLAMA!

SHKARKO APP

Konferenca e Donatorëve në Bruksel/ Balluku: Shqipëria, 1 milion euro ndihmë për Turqinë

21 Mars 2023, 08:33, Aktualitet CNA
Konferenca e Donatorëve në Bruksel/ Balluku: Shqipëria, 1 milion
Zëvendëskryeministrja Belinda Balluku

Zëvendëskryeministrja Belinda Balluku ka qenë pjesë e Konferencës së Donatorëve, të mbajtur në Bruksel, nga ku ka bërë me dije se Shqipëria ka akorduar 1 milion euro ndihmë për Turqinë, për të rindërtuar qytetet e rrënuara nga tërmetet.

Numri dy i qeverisë theksoi se vendi ynë është solidarizuar me Turqinë, për t’iu gjendur pranë në ditë të vështira.

Prezenca e qeverisë shqiptare sot në Konferencën e Donatorëve të zhvilluar në Bruksel nga Komisioni i Bashkimit Europian, por sigurisht edhe nga presidenca suedeze është një moment i rëndësishëm solidariteti.

Populli ynë e ka provuar gjatë tërmetit të 2019 se sa i rëndësishëm qe dërgimi i solidaritetit nga të gjitha shtetet, sidomos nga shteti turk, i cili nisi menjëherë skuadrat e shpëtimit, skuadrat më të specializuara që ekzistojnë në Europë.

Ashtu kemi bërë edhe ne nga momenti i parë, duke dërguar menjëherë një skuadër të përgatitur për ‘search and rescue’, por nga ana tjetër edhe një skuadër me mjekë dhe me infermierë.

Por, sot këtu në konferencën e donatorëve ne kemi deklaruar se do të mbështesim këtë moment të vështirë për Turqinë me 1 milion euro, të cilat do të përdoren për rindërtimin e qyteteve të rrënuara.

Sigurisht është një shumë modeste, por ne sot kërkojmë të tregojmë solidaritetin tonë dhe respektin që kemi për popullin vëlla turk dhe sigurisht për të gjithë bashkëpunimin midis dy qeverive, duke nisur nga niveli ekonomik dhe diplomatik, edhe për më tepër për t’ju gjendur pranë në ditë të vështira si këto”, tha ajo./ CNA.al

Lajmet e fundit nga