web counter
LEXO PA REKLAMA!

SHKARKO APP

App Store
Google Play

E fundit!

x

Propozimi i Ramës për kreun e SHISH/ Shehu: Do të dështojë si Gent Cakaj

23 Mars 2023, 16:08, Politikë CNA

Propozimi i Ramës për kreun e SHISH/ Shehu: Do të

Deputeti i Partisë Demokratike, Tritan Shehu, gjatë fjalës së tij nga foltorja e Kuvendit u shpreh se propozimi i kryeministrit, Edi Rama, për të emëruar Vlora Hysenin në krye të SHISH është një gabim politik.

Shehu e krahason këtë propozim “me eksperimentin e dështuar me Gent Cakaj”.

Deputeti i PD-së theksoi gjithashtu se kjo lëvizje është negative edhe për shtetin e Kosovës.

“Propozimi i kryeministrit për të emëruar në drejtim të SHISH një zonjë nga Kosova, pa pyetur dhe pa u konsultuar me Parlamentin, Komisionin e Sigurinë, dhe në mënyrë thjesht personale. Këtë veprim e konsideroj një gabim politik. Një shprehje të një vullneti që nuk sjell elemente pozitive, por negative. Cili është mesazhi politik që kryeministri do të japë me këtë gjë? Dhe çfarë përmban në vete një veprim i tillë që nuk është normal!? Cili mund të jetë mesazhi politik për Kosovën? Kjo vetëm e dëmton Kosovën dhe krijon efektin e kundërt për shtetin e ri të Kosovës, në një kohë kur i duhet të forcojë sovranitetin e saj si shtet për të qenë e pavarur. Një veprim i tillë ndodhi me djaloshin që emëruan ministër të Jashtëm, por që nuk u bë një ministër i Jashtëm, një eksperiment i dështuar. Siç ishte edhe ministrja e Arsimit. Atëherë përse vazhdojmë me të tilla mesazhe? Ne edhe këtu bëjmë lojën e Vuçiç. Ne duhet të bëjmë gjithçka për konsolidimin e Kosovës. Përse duhet të bëjmë të tilla aventura dhe të tregojmë të tilla pozicionime. Dikush mendon se është bërë për të dhënë shenja patriotizmi. Jo, është e kundërta. Veprime si Ballkani i Hapur nuk është në rrugën Perëndimore. Ai që mendon se mund të ketë patriotizëm me drejtim nga lindja, e ka gabim. Të gjitha ato veprime janë në kundërshtim me interesat tona”, tha Shehu./CNA





Lajmet e fundit nga