web counter
LEXO PA REKLAMA!

SHKARKO APP

App Store
Google Play

E fundit!

x

“Kriza energjetike u menaxhua me sukses”/ Balluku zbulon prioritetet

23 Mars 2023, 14:08, Politikë CNA
“Kriza energjetike u menaxhua me sukses”/ Balluku zbulon prioritetet
Zëvendëskryeministrja Belinda Balluku

Zëvendëskryeministrja Belinda Balluku është shprehur sot në Kuvend se Shqipëria e ka menaxhuar si duhet krizën energjetike gjatë vitit 2022.

Kështu, sipas Ballukut, ka treguar dhe një herë se siguria energjetike është prioritare, që energjia po përdoret si një armë kundër BE-së, kundër SHBA-së. Duke folur mbi ligjin për “Për disa shtesa dhe ndryshime në ligjin nr. 43/2015 “Për sektorin e energjisë elektrike”, Balluku tha se qeveria shqiptare synon që deri më 2029-ën Shqipërinë ta bëjë një vend eksportues neto dhe jo një vend importues.

“Varësia nga importet ishte e lartë se u vendos që një pjesë e mirë e HEC-eve të jepej në shkëmbim të TVSH-së në atë kohë. Sot ndërsa blejmë në import energjinë e prodhuar nga një pjesë e HEC-eve për t'i shërbyer këtij vendi e përdorin kompani që e kanë privatizuar totalisht pa të drejtë. Plani i madh konsistonte vetëm në privatizimin e HEC-eve shtetërore dhe në ngritjen e HEC-eve të vogla pa studim duke i hequr ujin e pijshëm, apo ujin që përdorej për bujqësinë e të gjithë fshatrave, dhe duke u hyrë në hak, nga mëngjesi në darkë shqiptarëve.

Por qeveria Rama i ka bërë të gjitha ndryshe. Pikë së pari, ne kemi një strategji të mirëfilltë të zhvillimit të sektorit energjetik që në 4 vitet e fundit, tashmë ka marrë jetë dhe është diversifikimi i burimeve të energjisë. Nuk bazohemi as te vërejtjet e portaleve të paguara, as tek insinuatat e opozitarëve të përfshirë në sektorin energjetik, por bazohemi në studimet e mirëfillta në direktivat e BE-së e sekretariatit të energjisë, dhe mbi të gjitha në të mirën e vendit.

2022-shi na ka treguar edhe një herë që sot siguria energjetike është prioritare, që energjia po përdoret si një armë kundër BE-së, kundër SHBA-së dhe këtë e parë qartazi, sic kemi parë edhe një gjë tjetër qartazi në 2022-shin, qeveria përmes një mirëmenaxhimi të kaskadës së Drinit,  pavarësisht një dimri shumë të thatë, përmes një mirëmenaxhimi edhe të importeve ia dolëm që të ofronim shërbim të panderprerë për qytetarët tanë e mbi të gjitha një shërbim që nuk njohu as edhe një qindarkë rritje. Pavarësisht se cfarë u tha gjatë 2022-shit, dezinformime për të krijuar panik te njerëzit, por asgjë nuk ndodhi. Dhe ne treguam se jemi një qeveri që dimë të menaxhojmë krizat, siç bëmë me pandeminë, me tërmetin, apo edhe me krizën energjetike.

Për t’u kthyer te pr/ligji. Ne me anë të një strategjie të mirëstudiuar synojmë që në 2029-ën të krijojmë kapacitete të reja shtesë, të prodhimit me 4 terravat nga prodhimi i sotëm. Duke e bërë Shqipërinë një vend eksportues neto dhe jo një vend importues. Pavarësia energjetike e Shqipërisë është një prioritet i qeverisë Rama, dhe mbi të gjitha pavarësia energjetike e Shqipërisë do të jetë edhe një pavarësi energjetike për rajonin”, u shpreh ndër të tjera Balluku./ CNA.al





Lajmet e fundit nga