web counter
LEXO PA REKLAMA!

SHKARKO APP

App Store
Google Play

A do të jenë "dashnorët" e Veliajt në PD në protestën përpara bashkisë?

31 Korrik 2024, 10:47, Politikë CNA
A do të jenë "dashnorët" e Veliajt në PD në
Erion Veliaj, kreu i Bashkisë së Tiranës

Rreth 20 protesta në 20 javë për korrupsionin, për vjedhjet, për skandalet e Bashkisë së Tiranës, për korrupsionin e Erion Veliajt. (lexo këtu)

Një protestë që vazhdon në një institucion të mbuluar me turp dhe me hajdutëri. Nuk është një çështje politike e drejtpërdrejtë, janë faktet. Të gjithë drejtorët e atij institucioni, shumica, që nga njeriu kryesor, mëkëmbësi i Erion Veliajt, Taulant Tusha, deri te drejtorët e tjerë, ndodhen pas hekurave.(lexo këtu)

Ndodhen në burg njerëzit kryesorë të institucioneve për koprrupsion, kurse kryetari i tyre është i lirë dhe me të drejtë opozita ngre pikëpyetje për drejtësi. Shkojnë e protestojnë, luftë ndaj korrupsionit, përgjegjësi ka edhe Erion Veliaj.(lexo këtu)

Por në fakt çfarë ndodh? Mungojnë deputetët e opozitës, mungojnë ata që shkojnë në parlament në komisione për të marrë dieta, që firmosin shpërblime, që paguhen 3 milionë lekë rrogë në muaj për të qenë opozitarë. (lexo këtu) 

Megjithëse opozitar nuk të bën pagesa, të bën shpirti, për këtë deputetët e nderuar të Tiranës, nuk shkojnë, qofshin të Berishës, qofshin dhe të Lulit. Janë disa, nuk mund të themi që nuk është Flamur Noka, Gazment Bardhi, nuk mund të themi që nuk është Klevis Balliu, apo Grigels Muçollari, anëtari i kryesisë së PD-së, Dorian Teliti e të tjerë. Ndjesë kujt nuk i përmendim emrat, por mungon shumica e grupit parlamentar të PD-së.

A do të jenë "dashnorët" e Veliajt në PD në
Protesta para Bashkisë së Tiranës

Nuk janë në protestë, janë disa dhjetëra qytetarë, 100, 200, 300, nuk ka rëndësi numri që qëndrojnë atje në 40 gradë dhe protestojnë për korrupsionin se bashkia është institucion që është vjedhur dhe me Erion Veliajn në krye nuk ka garanci që nuk do të vazhdojë të vidhet. (lexo këtu)

Nuk shkojnë në protestën para Bashkisë së Tiranës anëtarët e kryesisë të PD-së, nuk kanë një orë kohë në javë të shkojnë para Bashkisë së Tiranës për të denoncuar korrupsionin. Nuk shkojnë anëtarët e Këshillit Kombëtar, nuk i shikon, por shikon nga ata protestues që shkojnë te bashkia, shkojnë edhe te shtëpia e Berishës dhe me këtë abuzojnë edhe mediat e pushtetit.(lexo këtu)

Pse kërkohet lirimi i Berishës kur protestohet për korrupsionin e Veliajt? Sepse është e njëjta drejtësi, ajo që mban brenda Berishën dhe ajo që lë të lirë Erion Veliajn dhe patjetër që do të bëjnë politikë. Por që kjo politikë të jetë më e plotë dhe që opozita të përgjigjet më fort duhet të jetë atje në protestë, duhet të jenë drejtuesit e degëve, mungojnë kryesitë e degëve të Tiranës, sekretarët e PD-së në qendër, sekretarët e PD-së në degët e kryeqytetit, nuk shkojnë në protestë.(lexo këtu)

Patjetër është vapë, patjetër janë me pushime, por në PD nuk duhet të vazhdojnë më të mbijetojnë "dashnorët" e Erion Veliajt, se shumë prej atyre që nuk shkojnë në protestë janë njerëz të lidhur me kryebashkiakun e Tiranës, bashkëpunëtorë të tij të cilët nxitin edhe intriga brenda opozitës, nxitin edhe ndarje, nxitin edhe përçarje. Disa edhe paguajnë për një qëllim të vetëm që të thonë se kjo protestë nuk ka vendin e duhur, duhet protestuar ndaj Ramës, se tërhiqet vëmendja ndaj kryeministrit. 

Kjo është një gënjeshtër e madhe, pa atë protestë, pa ata qytetarë dhe pa denoncimet e dosjes "5D" dhe inceneratorët nuk do të ishte asnjë drejtor pas hekurave dhe Erion Veliaj nuk do të ishte në këtë situatë, por ai nuk mund të lejohet të vazhdojë të hyjë në institucion dhe të vjedhë siç është akuzuar shumë. Por, duhet protestuar derisa drejtësia të vihet në vend. (lexo këtu)

Të protestohet edhe para Erion Veliajt, të protestohet edhe para Edi Ramës, protesta kombëtare në Kryeministri, banorët e Tiranës, protestë te bashkia, protestë edhe poshtë shtëpisë së Berishës. Sa më shumë protesta të ketë, aq më i fortë është reagimi ndaj pushtetit. E më e forta protestë dhe më e vërteta dhe më e drejta protestë është ajo te Bashkia e Tiranës, ku i gjithë stafi i bashkëpunëtorëve të Veliajt janë kapur si hajdutë, kryetari i tyre, kreu i organizatës, "nuk" ka vjedhur.

Në fakt, ata i kanë shërbyer Erion Veliajt si kreu i PS-së në Tiranë, kanë marrë votat e pushtetit, kanë siguruar karrigen e Erion Veliajt që në fund kjo ka qenë detyra e tyre e vërtetë politike. Shkoni dhe punoni, të fitojë partia, të fitoj unë dhe pastaj bëni çfarë të doni.(lexo këtu)

Për këtë po protestohet nga opozita, për vjedhjet që më pas kthehen në përfitime politike, për një kryebashkiak që është kapur me bashkëpunëtorët e tij hajdutë dhe vazhdon të shkojë ende në zyrë. Ndërsa opozitarët e Tiranës, kryesia e PD-së, Këshilli Kombëtar, sekretarët, degët, nuk shkojnë të protestojnë, por mungojnë. 

Nuk është kjo e turpshme nga një forcë politike dhe një strukturë, e cila kërkon të vijë në pushtet, por nuk ka 30 minuta apo 1 orë kohë për të protestuar përpara godinës më të ndotur, jo vetëm me akuza, por e kapur e gjallë me shumë fakte për korrupsion dhe hajdutëri./CNA 





Lajmet e fundit nga