web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ Kongresi i pensionit politik të Veliajt

29 Korrik 2024, 08:37, Politikë CNA
Faktet/ Kongresi i pensionit politik të Veliajt
Kryebashkiaku Erion Veliaj në kongresin e PS-së, burimi i fotos: LSA

Kongresi ku Veliaj nuk mori asgjë dhe humbi gjithçka

Socialistët zhvilluan kongresin e djeshëm ku kryeministri Rama me një goditje 3 ballë bëri lëvizjen e tre ministrave kryesorë të kabinetit të tij, ministrit të Brendshëm, ministrit të Mbrojtjes dhe ministrit të Financave.

Duken tre teknicienë, një qeveri në fakt me plot teknicienë dhe me shumë më pak politikanë se kurrë ndonjëherë nga mazhoranca e Rilindjes.

Por, kongresi i djeshëm ishte kongresi i humbjes së madhe të Erion Veliajt dhe gjithçka si përgjigje e mori në nisjen e tij.

Një vajzë e re, Helena Kaçe, doli dhe mbajti një fjalim, ison e të cilit më pas ia mbajti kryeministri Rama, i cili i tha publikut, por me dorën drejt vajzës se e ardhmja ishte ajo dhe jo Erion Veliaj.

Edi Rama vrau çdo oreks të Erion Veliajt, i cili prej kohësh është ngritur në betejë kundër kryeministrit nën rrogoz, në hijen e tij me mediat, me portalet sulmon Ramën, shpik shpërthime të njëpasnjëshme skandalesh thjesht dhe vetëm të vrasë zhurmën e tij, zhurmën që i ka plasur me prishjet në 5 Maj, me dosjen "5D", me inceneratorët, me shembjen e teatrit e kështu me radhë.

Dje, për Erion Veliajn kishte dhe një mesazh të dytë, e pati nga kryeministri Rama, e puna e tij ishte të merrej me varret dhe të ndihmonte Pandeli Majkon për të shkruar historinë e PS-së sepse kjo parti do t’i përkiste dikujt tjetër, një brezi tjetër.

Më pas Lali humbi mesa duket nga raportet që vijnë nga mazhoranca brenda kongresit edhe një pjesë të madhe të mbështetjes që ka pasur në PS.

Tani edhe Fatmir Xhafajn duket se po ia merr Edi Rama.

Ish-ministri i Brendshëm që doli si deputet me mbështetjen e drejtorëve të "5D" dhe të Erion Veliajt duket se është më afër Edi Ramës dhe ka marrë një cep diku në Kuvend megjithëse deri tani i dështuar të ketë një angazhim politik duke iu garantuar shpresa se mund të jetë sërish deputet.

Faktet/ Kongresi i pensionit politik të Veliajt
Fatmir Xhafaj, në kongresin e PS-së

E kështu Lali ose i vetëquajturi zdromsi i Tiranës, dje i humbi të gjitha. Nuk mori asnjë ministër, një pikë tjetër e humbjes së tij, pasi të gjithë emrat nuk kanë asnjë lidhje me kryebashkiakun Erion Veliaj, nuk mori njerëz në Asamble, nuk mori mbështetje publike përveç sulmeve që kryeministri bëri politikisht ndaj protestave të opozitës, të cilat në fakt duket se do të zgjasin dhe nuk do të ndalen për vjedhjet dhe abuzimet në Bashkinë e Tiranës.

Faktet/ Kongresi i pensionit politik të Veliajt
Belind Këlliçi në protestë

Ndaj dita e djeshme ishte humbja e madhe e Veliajt në kongresin e socialistëve që po e çon atë drejt një daljeje përfundimtare nga politika, e mbaron ose jo mandatin, shkon apo jo pas prangave, Erion Veliaj nga dje është politikisht i vdekur.

Tashmë pritet të ketë dhe një akt tjetër politik së afërmi për të vulosur daljen në pension të zdromsit të Tiranës./ CNA

 





Lajmet e fundit nga