web counter
LEXO PA REKLAMA!

SHKARKO APP

Deputeti Vullnet Sinaj largohet nga politika

28 Korrik 2024, 13:19, Politikë CNA
Deputeti Vullnet Sinaj largohet nga politika
Deputeti i Partisë Socialiste, Vullnet Sinaj. Burimi, LSA

Deputeti i Partisë Socialiste, Vullnet Sinaj, do të largohet nga politika.

Këtë e ka bërë të ditur kryeministri Edi Rama gjatë kongresit të PS-së, ku tha se Sinaj i ka kërkuar të përmbyllë rrugëtimin në politikë.

Ai foli me superlativa për deputetin, teksa deklaroi se nuk e ka shqetësuar kurrë për gjëra personale.

“Nuk do të kishim arritur shumëçka në këtë mandat të tretë, i kemi edhe deputetët, të cilët nuk mungojnë as kur duhet të ulen në karrige kur duhet të marrin vendime, as kur duhet t'u japin këmbëve për të takuar zgjedhësit.

Vullnet Sinaj është njëri prej tyre. I ka në rregull punët e veta do të thuhej në kafene, por në fakt Vullneti në rregull i kishte edhe pa hyrë fare te ne. Nuk është i vetmi kurrsesi, por ia zura emrin se më tha para disa kohësh se do ta mbyllë rrugëtimin e tij. Kurrë, asnjëherë nuk më ka shqetësuar për asgjë personale”, theksoi kreu i qeverisë./ CNA





Lajmet e fundit nga