web counter
LEXO PA REKLAMA!

SHKARKO APP

App Store
Google Play

Kongresi Zgjedhor i PS-së/ Agjenda e punimeve

27 Korrik 2024, 14:02, Politikë CNA
Kongresi Zgjedhor i PS-së/ Agjenda e punimeve
Edi Rama, kryetar i PS

Socialistët mbledhin të dielën Kongresin Zgjedhor. Ende nuk është shpërndarë një agjendë e punimeve të tij. Ajo që dihet është mbledhja e tyre në orën 11:00 në Pallatin e Kongreseve. Por sipas burimeve, zhvillim i punimeve pritet të jetë një miksim i punëve të qeverisë socialiste me ato të partisë.

Në fund të tij pritet dhe votimi i Asamblesë, ku mësohet se Rama ka kërkuar që antarët të jenë të rinj dhe të filtrohen dy të punësuarit apo drejtorët që kanë poste në parti dhe administratë.

Në Kongres do të zgjidhen 156 antarë nga 350 që ka Asambleja e PS, pasi pjesa tjetër janë automatikisht për shkak të funksionit që kanë ( kryetarët Kuvendi, deputetë, ministra, kryetarë bashkish).

Rienergjizimi dhe antarësimet e reja, pritet të jenë një nga çështjet kryesore në fjalimet që që do të mbahen nga Sekretari i Përgjithshëm dhe Kryetari i PS.

Ndërkohë Rama pritet të prezantojë edhe platformën për përzgjedhjen e kandidatëve, për të gjithë ata që do kërkojnë të bëhën deputet me PS.

Në kongres nuk do të mungojnë as fjalimet e ministrave, të cilët do të flasin sipas fushave të përcaktuara si prioritet i qeverisë. Objektiv i qeverisjes mbeten turizmi, antikorrupsioni dhe mirëqeverisja. /CNA





Lajmet e fundit nga