Pseudolufta anti-korrupsion me konferenca shtypi

27 Korrik 2024, 11:13, Politikë CNA

Pseudolufta anti-korrupsion me konferenca shtypi

Selia e PD-së

Sot opozita, Partia Demokratike zyrtare nëpërmjet zëdhënëses Anti-Korrupsion, Genta Vangjeli ka renditur materiale, lajme me informacione në lidhje me fondet IPARD.(lexo këtu)

Konferencë e përsëritur për shtyp, materiale të denoncuara nga shumë media, por mesa duket është gatuar një përshesh i hidhur ku është ngatërruar korrupsioni zyrtarve të lartë me biznesmenët, me privatin, me përfituesit e drejtpërdrejtë të fondeve e kështu me radhë. Pra në vend që të vendosin vetullat, kanë nxjerrë sytë. (lexo këtu)

Në listë përmenden me dhjetëra raste, lidhje midis të cilëve nuk ka të bëjë fare me atë që denoncon PD-ja.

Se shkojnë bizneset dhe marrin fonde IPARD, qofshin këta investitorë strategjikë e të tjerë, e rëndësishme është se ku kanë shkuar ato fonde. A i kanë investuar për atë që kanë aplikuar? Ky është thelbi i gjithçkaje. Ndërsa kur përfitojnë zyrtarët publikë nga fondet e IPARD, atëherë është një rast klientelizmi dhe korrupsioni, e cila duhet të hetohet nga drejtësia.(lexo këtu)

Pra PD-ja ka dashur që të denoncojë dhe në vend që të denoncojë ka nxjerrë sytë e saj. Së pari duke akuzuar në mënyrë të padrejtë biznesmenët, qytetarët privatë që kanë aplikuar duke i ngatërruar këta me Taulant Tushen apo zyrtarët të tjerë të Rilindjes, të cilët kanë përfituar nga fondet IPARD. (lexo këtu)

Abuzimet e IPARD/ Si u shndërruan 33 milionë lekë në 33 milionë euro?
23 Nëntor, 16:26
IPARD gjen 33.5 mln euro parregullsi në Shqipëri, sa 71% e abuzimeve në të gjithë Ballkanin
23 Nëntor, 08:47

Ajo që është më e rëndësishme është fakti se gjithmonë merret një pushkë nga opozita, megjithëse PD-ja pretendon të jetë një parti e djathtë ndaj biznesit duke sulmuar, akuzuar biznesmenët dhe investitorët strategjikë si një problematikë e madhe për zhvillimin e ekonomisë apo përfitimin e fondeve publike.(lexo këtu)

Në fakt investitorët strategjikë, investitorët e vërtetë strategjikë, pra biznesi është motori kryesor i ekonomisë dhe nuk ka asnjë për t'u çuditur kur ata përfitojnë fonde nga institucionet ndërkombëtare, pasi kanë të gjitha kapacitetet njerëzore për projektet për t'i zhvilluar ato e kështu me radhë. (lexo këtu)

Por PD, në vend që të sillet si një parti e djathtë dhe të mbështesë biznesin duhet të denoncojë për fondet IPARD të parën ish-ministren, Frida Krifca. (lexo këtu)

PD duhet të denoncojë ministren në detyrë, ministra të tjerë, të cilët kanë dhënë fondet IPARD, zyrtarët e PS-së që i kanë përfituar, i ngatërrojnë dhe i hedhin të gjithë në një çorbë duke gatuar një ushqim për publikun, i cili në fakt nuk është as më pak as më shumë një vetëvrasje e opozitës dhe PD-së që herë sillet si parti proletare, herë si parti e biznesit, por që në fund ende nuk e ka kuptuar se çfarë është./CNA