web counter
LEXO PA REKLAMA!

SHKARKO APP

App Store
Google Play

E fundit!

x

Miratimi i Reformës Zgjedhore, Basha: Revolta e qytetarëve nuk ka qenë kurrë kaq e madhe ndaj pazarit Rama-Berisha

27 Korrik 2024, 10:41, Politikë CNA
Miratimi i Reformës Zgjedhore, Basha: Revolta e qytetarëve nuk ka
Lulzim Basha

Kryetari i Demokratëve Euroatlantikë, Lulzim Basha, gjatë një konference për shtyp, ditën e ka deklaruar se miratimi i Reformës Zgjedhore, mbrëmjen e së premtes në Kuvend me dakortësinë e opozitës dhe maxhorancës ka nxitur një revoltë të madhe tek qytetarët. Ai tha se deputetët votuan për vete e jo për qytetarët, ndërsa shtoi se qytetarët duhet të bëhen bashkë nëse duan ndryshimin. Basha bëri të ditur se nga ana e ekspertëve po vlerësohet anti-kushtetueshmërinë e aktit të djeshëm e po përgatitet dërgimi i dosjes në Gjykatën Kushtetuese.

“Dje 2 palët u bashkuan në një parti e ju thanë jemi mirë me Ramën sepse dje nuk votuan për ju por për veten. Një Pazar i turpshëm që nuk harrohet e falet. Kurrë nuk ka qenë e qartë ndarja mes qytetarëve dhe kastës së vjetër të mbyllur.

Përballja finale tashmë është afër.

Rama e Berisha e hodhën hapin e tyre e u rreshtuan dorë për dore në një front.

Pazari u gatua skutave të Kuvendit e u votua natën vonë. Nga sot e keni ju në dorë. Mund t’i ndëshkoni me votë, mund të organizoheni për të marrë pas me votë atë që ju takon.

Ne do qëndrojmë përballë tyre, në opozitë me Ramën dhe atë pjesë të opozitës që e ka aneksuan.”/CNA





Lajmet e fundit nga