web counter
LEXO PA REKLAMA!

SHKARKO APP

App Store
Google Play

Kodi i ri Zgjedhor, Majko: Ta votojmë, asnjë gjë nuk është bërë nën presion

26 Korrik 2024, 13:47, Politikë CNA
Kodi i ri Zgjedhor, Majko: Ta votojmë, asnjë gjë nuk
Pandeli Majko

Vijojnë diskutimet dhe debatet në seancën plenare për ndryshimet që pritet të miratohen për Kodin Zgjedhor. Deputeti Pandeli Majko u ka bërë thirrje kolegevë të opozitës që të votojnë ndryshimet në Kodin e ri Zgjedhor.

Në fjalën e tij ai theksoi se asgjë nuk është bërë nën presion teksa nënvizoi se askush nuk duhet të ketë frikë nga listat e sigurta. 

"Nëse nuk do të merreshin masat rrezikonim që zgjedhjet e 2025 të ishin të kontestuara në legalitetin e tyre. Kam fjalët më të mira për 2 negociatorët, PD dhe PS. Kanë negociuar me transparencë. E kuptoj që këtu ka sindroma të ndryshme që kanë të bëjnë me vullnetin e kryetarëve të partive. Këtu dikush ngatërron kekun me byrekun. Nuk na kanë sjellë në një situatë të vështirë demokratike në Shqipëri sistemet. Ne nuk kemi pse t'ia hedhim fajin sistemit. Prandaj miqtë e mi, rregullat e përbashkëta dhe zbatimi i GJK-së na ka sjellë sot këtu. Të vetëm ne nuk i miratojmë këto ndryshime kushtetuese. Kush mendon se do të hyjë me lista të hapura t'i votojë kundër. Nuk ka nevojë të na thotë se Rama do të bëhet mbret, ne na duhet të zbatojmë vendimet e GJK-së. Asnjë gjë nuk është bërë nën presion. Mos u trembni shumë nga listat e sigurta", tha Majko./CNA 





Lajmet e fundit nga