web counter
LEXO PA REKLAMA!

SHKARKO APP

App Store
Google Play

Dash Sula: "Zgjedhorja" marrëveshje e turpshme, me këtë ligj burrat do të kthehen në gra

26 Korrik 2024, 14:38, Politikë CNA
Dash Sula: "Zgjedhorja" marrëveshje e turpshme, me këtë
Dashnor Sula

Deputeti demokrat, Dashnor Sula, ka dalë kundër ndryshimeve në Kodin Zgjedhor që pritet të miratohen në seancën e sotme plenare.

Ai theksoi se kjo marrëveshje është e turpshme dhe e pamoralshme. 

Sipas tij, 2/3 e listave të hapura janë një mashtrim i madh, ndërsa 1/3 do të jenë servilë të kryetarit. 

Madje ai bëri edhe ironi pasi tha se me këto ndryshime ligjore burrat do të kthehen në gra. 

"Sot mungon një pjesë e mirë e deputetëve që ta celebrojnë dhe që të jenë dëshmitarë. Gjiknuri shprehu një shqetësim se tha se nuk dinte me kë të diskutonte. Ke qenë në pozita shumë të vështira. Respekt për gratë deputete. Po ta kisha unë në dorë 100 deputete do të jenë gra dhe 40 burra. Fatkeqësisht nuk do të fitojmë në 2025, kemi një bllok që do të çimentohet në 2025. A e dini që nuk do të kemi një listë zgjedhore, por do të kemi 4 lista zgjedhore. Një ajkë do të kemi Edi Ramën dhe tjetri do të jetë Sali Berisha. Lista tjetër do të jetë ajo e iluzionistëve, që do të ëndërrojnë se do të fitojnë mandatet, por as do t'ia arrijnë dot.

Do kthehen gra në 2025 me këtë ligj edhe burrat. E kam thënë dhe në 2008 kam votuar kundër sepse ishte një marrëveshje e pamoralshme. Këtu në parlament u bë një marrëveshje e turpshme. Dinjitetin s'e kam çaur për tokë. Me gjakun e viktimave të Gërdecit votuan dhe ja në çfarë gjendje jemi sot. I vetmi argument ishte që ne nuk do të lejojmë të vijnë të fortët, biznesmenët dhe kriminelët. Ndodhi ajo që erdhën vrasës me pagesë e kriminelë. U desh për herë të parë që të nxirret një ligj për të nxjerrë nga Kuvendi kriminelët. Kam një kërkesë nëse na ndjek Rama.

Zoti kryeministër çfarë ilaçi i ke dhënë opozitës? Çfarë vaksine u ke bërë sot më 26 korrik 2024? Ky është thjesht një bllok politik që do të çimentohet në 2025. Kjo është për të ardhur keq. Do jetë lista e servilëve. Do jetë lista e burrave dhe e grave të cilët s’do të jenë më burra, por do jenë gra. 2/3 e listave të hapura mashtrim i madh. 1/3 janë servilë të kryetarit", tha Sula./CNA 





Lajmet e fundit nga