web counter
LEXO PA REKLAMA!

SHKARKO APP

App Store
Google Play

Majlinda Dhuka, në të njëjtën linjë me Xhafajn/ “Merru me 3 pushtetet”

28 Korrik 2024, 12:11, Politikë CNA

Majlinda Dhuka, në të njëjtën linjë me Xhafajn/

Ministrja e Shtetit dhe Kryenegociatorja me BE-në, Majlinda Dhuka, ka bërë një thirrje për Kuvendin, teksa foli në kongresin e PS-së për integrimin në BE.

Ajo tha se për thellimin e mëtejshëm të reformave dhe luftën antikorrupsion duhet të harmonizohet puna mes 3 pushteteve: legjislativit, ekzekutivit dhe gjyqësorit.

Sipas saj, kjo detyrë i takon Kuvendit. Kështu ajo ka dalë në të njëjtën linjë me Fatmir Xhafajn.

“Anëtarësimi në BE është objektivi madhor i Shqipërisë, aspirata më e madhe e shqiptarëve. Në Shqipëri anëtarësimi në BE ka mbështetjen më të lartë në të gjitha vendet e rajonit, jo se shqiptarët janë naivë dhe presin një lendinë të shtruar me lule pas integrimit në BE, por historia e jetuar nën pushtim, na mësoi me askënd tjetër, përveçse me familjen evropiane, e ardhmja jonë nuk mund të jetë e sigurt. Qëllimi ynë është i shpallur, përmbushim kushtet për anëtarësimin dhe Shqipëria në 2030 të ulet si e barabartë në tryezën e BE-së. Qeveria po punon për këtë qëllim, PS është krijuar si një sfidë historike dhe do t'ia dalë kësaj sfide të madhe historike. Shqipëria i çeli negociatat mbi bazë merite, përtej retorikave të konflikteve të brendshme politike dhe falë reformave.

157 institucione u përfshinë në këtë punë kolosale. Mirënjohëse ekipit të negociatave. 32 institucione dhe rreth 1800 zyrtarë publikë janë angazhuar me palën evropiane përmes shqyrtimit të imët të trupit të ligjeve të BE-së dhe përgatitjen e masave që duhet të marrë Shqipëria për përmbushjen e kritereve teknike për anëtarësimin brenda 2030.

Të thellojmë progresin e Reformës në Drejtësi, të sigurojmë pathyeshmërinë e saj, të thellojmë modernizmin e qeverisjes dhe transformimin e administratës publike. Së treti, nevojitet të thellojmë luftën antikorrupsion, duhet të dinamizojmë reformat ekonomike, të përmirësojmë klimën e biznesin, rritjen e investimeve në infrastrukturë dhe inovacion.

Masat antikorrupsion duhet të merren nga të trij pushtetet. Vetëm parlamenti mund të harmonizojë punën mes 3 pushteteve për rrugën në BE”, theksoi ajo./ CNA





Lajmet e fundit nga