web counter
LEXO PA REKLAMA!

SHKARKO APP

App Store
Google Play

E fundit!

x

Sot, kongresi i PS-së/ Çfarë pritet të ndodhë

28 Korrik 2024, 08:56, Politikë CNA
Sot, kongresi i PS-së/ Çfarë pritet të ndodhë
Kryeministri Edi Rama

Këtë të diel do të mbahet kongresi i Partisë Socialiste në Pallatin e Kongreseve.

CNA ka mësuar nga burime zyrtare se kongresi do të ketë dy tryeza drejtuese, ndërsa më pas do të mbajë një fjalim kryeministri Edi Rama.

Kreu i qeverisë dhe i PS-së do të shpalosë vizionin e tij pas zgjedhjeve të bëra në strukturën e PS-së.

Gjithashtu, nuk do të mungojnë as fjalimet e ministrave, të cilët do të flasin për fushat që janë prioritete të qeverisë. 

Nga ky kongres pritet të dalë edhe asambleja e re. 

Gjithashtu, burimet bënë të ditur për CNA-në se pritet të ketë lëvizje të drejtuesve të qarqeve dhe të kabinetit qeveritar.

Kjo për shkak se ai ka kërkuar që drejtuesit politikë në qarqe dhe në degë të mos kenë poste administrative, ky standard mund të vendoset edhe me ministrat, edhe me kabinetin e tij.

Disa nga emrat që mund të lëvizin janë Niko Peleshi, Mirela Kumbaro, Belinda Balluku, Taulant Balla, Ogerta Manastirliu, Ulsi Manja e të tjerë.

Sot, kongresi i PS-së/ Çfarë pritet të ndodhë
Kryeministri Edi Rama

Pritet që disa ndryshime nga këto të ndodhin në kongresin e sotëm, ndërsa disa mund të ndodhin në asamblenë pas kongresit.

Rama mund të kërkojë angazhim për të ndezur motorët elektoralë të Partisë Socialiste, në funksionin të zgjedhjeve parlamentare të vitit 2025./ CNA





Lajmet e fundit nga