Ekskluzive/ Të gjithë skenarët e Kongresit të socialistëve

27 Korrik 2024, 14:54, Politikë CNA

Ekskluzive/ Të gjithë skenarët e Kongresit të

Edi Rama

Nesër në datën 28, pas dy shtyrjesh do të zhvillohet Kongresi i Partisë Socialiste. (lexo këtu)

Ishte planifikuar në 20 korrik, me pas u shty me një javë, për në datën 27, pra ditën e sotme dhe më pas u vendos që të zhvillohej, të dielën e datës 28 korrik. (lexo këtu)

CNA ka mësuar nga burime zyrtare se pritet që Kongresi të ketë dy tryeza drejtuese më pas dhe fjalën e kryeministrit Edi Rama, i cili do të shpalosë vizionin e tij pas zgjedhjeve të bëra në strukturën e PS-së. Nga ky kongres pritet të dalë edhe asambleja e re.

Skenarët

Skenari i parë është ai i lëvizjeve të drejtuesve të qarqeve.

Kjo në fakt pritet të ndodhë me daljen e asamblesë së re. Drejtuesit politikë të qarqeve të socialistëve janë, mund të ketë disa lëvizje si një frymë e re për të shkundur strukturat. (lexo këtu)

Në fakt disa prej personazheve kryesore politike janë ministra, pra Niko Peleshi, Mirela Kumbaro, Belinda Balluku, Taulant Balla, Ogerta Manastirliu, Ulsi Manja e të tjerë, por pritet që të ketë lëvizje të tyre. Ky është një nga skenarët e parë, pra që kryeministri Rama të shpallë drejtuesit e qarqeve.

Në fakt ky është një hap politik që burimet zyrtare i thanë CNA mund të ndodhë në zgjedhjen e asamblesë pas kongresit.

Skenari i dytë është ai i lëvizjes së disa ministrave.

Duke qenë se Rama është duke iu kërkuar që drejtuesit politikë në qarqe dhe në degë të mos kenë poste administrative, ky standard mund të vendoset edhe me ministrat, edhe me kabinetin e tij.

Pra që një pjesë e ministrave të mos jenë në pjesë e kabinetit, por nga dita e nesërme të zëvendësohen dhe të kërkohet që ata të angazhohen politikisht për të përgatitur fushatën, ose më saktë për të ndezur motorët elektoralë të Partisë Socialiste.(lexo këtu)

Këto janë dy skenarët, të cilët lidhen kryesisht me organizimin e PS-së, pra me përgatitjen e fushatës në asamblenë e saj, por edhe me ndryshime të mundshme në kabinetin e kryeministrit Rama, të cilat janë të gjitha në funksion, të asaj që pritet të ndodhë në javët në vijim, në lidhje gjithçka me zgjedhjet elektorale të vitit 2025.

Skenarët janë të thjeshtë, që nga ndryshimet e ministrave për t'i liruar dhe për t'i angazhuar në qarqe, pas mbledhjes së asamblesë, deri tek fakti që ndryshimet në qarqe mund të bëhen nesër edhe me disa ndryshime në strukturën e kabinetit të kryeministrit Edi Rama./ CNA