web counter
LEXO PA REKLAMA!

SHKARKO APP

App Store
Google Play

E fundit!

x

Kongresi i PS/ Noka: Pushtetit të drogës po i vjen fundi, Rama i trembur nga bashkimi i PD

9 Prill 2022, 19:53, Politikë CNA

Deputeti i Partisë Demokratike, njëherësh anëtar i Komisionit të Rithemelimit Flamur Noka e ka cilësuar mbajtjen e Kongresit të PS si tregues të pushtetit të drogës, krimit dhe korrupsionit që sipas tij po i vjen fundit.

Nëpërmjet një postimi në rrjetin social Facebook, Noka shkruan se Rama nuk diskutoi asgjë për krizën e rëndë ekonomike, pagat dhe heqjen e taksave. Ndër të tjera Noka shprehet se Rama dukej i tmerruar që Partia Demokratike po bashkohet.

Reagimi i Nokës:

Kongresi i sotëm i PS tregoi që pushtetit të drogës, të krimit dhe korrupsionit po i vjen fundi. Rilindja ka hyrë në agoni. Asnjë diskutim për krizën e rëndë ekonomike që ka pllakosur vendin dhe po rrënon shqiptarët. Asnjë fjalë për të ringjallur ekonominë. Edi Rama nuk foli asnjë fjalë për rritje rrogash e pensionesh, asnjë fjalë ulje taksash apo heqje akcizash, asnjë fjalë për të lehtësuar barrën shoqerisë shqiptare.

Në vend që të jepte shpresë dhe optimizëm, Edi Rama bënte sikur po i paralajmëronte me tundje prangash bashkëpunëtorët e tij me shpresën se do të ngopte shqiptarët me lugën bosh.

I tmerruar ngaqë korrupsioni i tij dhe bandës që drejton që po kutërbon dynjanë, Edi Rama kërciti dhëmbët drejtësisë për të treguar se ai është i paprekshëm.

Shqetësim i vetëm që Edi Rama kishte ishte PD që tashmë se komandon dhe kontrollon dot. Dukej i tmerruar që PD po bashkohet, që po ringrihet dhe i pashpresë për përballje kërciste dhëmbët duke siluruar PD dhe opozitën.

Edi Rama sot kërkoi që drejtësia t?i shërbente si kamzhik politik për kundërshtarët me qëllimin për të shpëtuar ai vet nga fundi i tij i pashmangshëm para drejtësisë si kryeministri më i korruptuar i Europës. Edi Rama tentoi të paralajmëronte edhe skenare destabiliteti vetëm e vetëm të shpëtonte lëkurën e tij.

Opozita dhe Partia Demokratike kanë vetëm 1 detyrë: të bashkohen, të ringrihen për të shkurtuar jetën e regjimit më të korruptuar në këto 30 vjet.

Kjo ditë e shumëpritur për shqiptarët po vjen?





Lajmet e fundit nga