E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Situata e PS në terren/ Ministrat e Ramës “thumbojnë” njëri-tjetrin në Kongres

9 Prill 2022, 15:56, Politikë CNA

Ministri i Brendshëm Bledi Çuçi, nga foltorja e Kongresit të PS, i është përgjigjur ministrit të Drejtësisë Ulsi Manja, lidhur me situatën aktuale të partisë me strukturat në terren.

Sipas Ulsi Manjas, partia ka rënë në gjumë në terren dhe gjithçka e pret nga Edi Rama, ndërsa Çuçi u shprehe se me këtë fjali Ulsi Manja iu duk si anëtar i ?Rithemelimit?.

Sipas Çuçit, në Dibër strukturat e PS thuajse nuk janë ekzistente, por sipas tij në qytete të tjera situata është ndryshe. Si shembull ai solli Beratin ku u shpreh se strukturat në këtë qytete funksionojnë më së miri.

?Duke dëgjuar Ulsiun dukej sikur po dëgjoje një anëtar të Rithemelimit. Dhe Partia nuk ekziston fare. Në fakt edhe ka të drejtë edhe nuk ka të drejtë. Të them të drejtën po të vë syzet e Ulsiut që i mora në Dibër, është realitet me tonin që e përshkroi këtu. Partia atje në Dibër thuajse nuk ekziston fare. Por nuk është kështu në të gjithë vendin. Se në Berat është model i kundër me Dibrën? tha ministri Çuçi.

Ulsi Manja u shpreh se partia e zgjedhur për një mandat të tretë, nuk është në lartësinë e duhur në terren.

Sipas Ulsi Manjës ka një nevojë urgjente për ndryshimin dhe ristrukturim në bazë. Manja shoti se propozimi i tij është reformim i thellë strukturor i PS në çdo qelizë që duhet të fillojë që nga burimet njerëzore në terren, pra nga lart poshtë.

?Duhet të ketë lider, frymë dhe organizimi të fuqishëm në territor. Ne kemi Edi Ramën që përçoi një mesazh të fortë politik, për mandatin tonë të 4 në 2025. Pyetja është po organizimi ynë në territor? A i përgjigjet lidershipit?

Në fakt vij nga një eksperiencë zgjedhore jo më larg se 6 marsi. Patëm mundësinë të testojmë motorin elektoral. Dhe organizmi ynë strukturor në Territor nuk është ai që duhet të kemi. Nuk është sepse duket se për shkak mungesës së opozitës politike. Duke sikur kemi rënë në gjumë. Gjithçka e presim nga Edi Rama si kryeministër.

Ne themi duhet të shkojmë komisionerë se votat i merr Edi Rama. PS ka një kundërshtar shumë të madh dhe është vetë PS. Vetkënaqësia. Ide e pathyeshmërisë është ajo që duhet të zgjidhim? tha Ulsi Manja.