E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Dy fjalë për Kanabo-Kongresin e Partisë Socialiste!

9 Prill 2022, 11:58, Politikë CNA

Nga Sali Berisha

Të dashur miq, sot Partia Socialiste e Shqipërise mblidhet në kongresin e saj, të cilin pa filluar punimet mediat e cilësuan si Kanabo-Kongresin e saj.

Duke respektuar plotësisht këtë vlerësim unë do të ndalem këtu shkurtimisht në analizen e bilancit dramatik të qeverisjes së kësaj partie dhe sqaroj që në krye të radhes se më këtë analizë nuk fajësoj anëtarsëine e PS dhe mbështetesit e saj por vetëm e vetëm udhëheqjen kryesore, nomenklatures e saj të korruptuar me në krye Edi Ramën. Ky bilanc dëshmon se kjo udhëheqje:

1-Është shndërruar me vjedhjet e saj në një organizatë të vërtetë kriminale.

2-Ka përzënë që në vitin 2009 voten e antarësisë nga kjo parti. Ajo ka zëvëndësuar sistemin e votës së lirë në Shqipëri me sistemin e dhunimit të saj nëpërmjet blerjes masive, dhunës me bandat, përdorimit total të shtetit për qëllime elektorale dhe nëpërmjet futjes së sistemit policesk të patronazhistëve.

3-Në këto vite ajo ka ndërtuar në Shqipëri narkoshtetin e parë dhe të vetëm në Europë dhe shndërruar vendin tone ne Kolumbi apo Kanabistan, ne epiqendër të organizatave kriminale të rajonit, Europës, dhe botës.

Sot ajo përdor Kongresin për të legalizuar drogen, krimin, paratë e pista. Ndaj dhe analistët dhe mediat e pagëzuan pa u mbledhur kongresin si Kanabo-kongresin e saj.

4- Me lidhjet e saj me krimin, drogen, vjedhjet dhe korrupsionin kjo udhëheqje ka bllokuar për 6 vite me radhë hapjen e negociatave të Shqipërisë me BE.

5- Ajo ka shkelmuar interesin kombëtar, me Ballkanin e Hapur është lidhur në aleancë trilaterale me Beogradin dhe Shkupin si vasale e Serbisë dhe ka vendosur Kosoven në një dare armiqësore.

6- Ajo u përpoq të marrë peng Partinë Demokratike dhe të asgjësojë pluralizmin politik shqiptar.

7- Kjo nomenklaturë e inkriminuar kokë e këmbë kontrollon sot mbi 90% të pushteteve në Shqipëri. Edi Rama sot ka 10% pushtet më tepër se sa diktatori i fundit komunist shqiptar në vitin 1991.

8- Me vjedhjet dhe korrupsionin e papërmbajtur qeveritar ka rritur borxhin publik të Shqipërisë në 103% dhe ka trefishuar mjerimin, varfërinë ekstreme.

9-Në pesë vite në zbatim të platformës së Çubrilloviçit të spastrimit etnik, për shkak të varfërisë mjerimit, dhunes policore janë larguar nga Shqiperia 520 mijë shqiptar.

9- Kjo është nomenklatura më e babëzitur në historinë e Shqipërisë, e shpenzimve të shfrenuara të miliona e dhjetra miliona eurove udhëtime me avion në dispozicion, e darkave me biftekë 1000 dollarë, e suitave luksose mijra e mijra dollarë nata etj etj. Lideri i saj në një kohë që gazetat më serioze të Europës si ?Politico? e shpallin kryeministrin me te parëndesishem në Europë apo televizione me fame boterore si BBC bëjnë spote tallse televizeve si për asnjë politikan tjeter apo e shpallin Sekretarin e Përgjithshëm të NATO të dates 1 prill, ministreshat e tij e shpallin në garë Skenderbuçi apo brendi i Shqipërise gjer pothuaj zoti i zotërve, vet Zeusi.

Për të gjitha këto miq kjo është nomenklatura më e korrupruar më antipopullore dhe antikombëtare në Europë dhe ky është kongresi i bilancit më dramatik në historinë e Shqipërisë pas kongresit të fundit të PPSH./CNA.al